Búgin, 27 qazan kúni QR Premer-Ministriniń orynbasary Imanǵali Tasmaǵambetov Almaty oblysy Talǵar aýdanyndaǵy «Talhiz» orta ǵasyrlyq qalashyǵynyń saqtalýy máseleleri boiynsha kóshpeli keńes ótkizdi.
Búgingi tańda mádeni mura nysanyn saqtap qalýdyń ózektiligi óte mańyzdy sanalady. Eske sala keteiik, 2014 jyldan beri qarai tarihi nysan halyqaralyq mártebege ie, ony paidalaný, qorǵaý, saqtaý jáne basqarýda 1994 jyly Qazaqstan ratifikatsiialaǵan halyqaralyq kelisim - Álemdik mádeni jáne tabiǵi muralardy qorǵaý jónindegi Konventsiianyń tártibi men normasy qoldanylady.
Keńes barysynda vitse-premer atap ótkendei, osynaý Konventsiiany ratifikatsiialaý osy murany qorǵaý, saqtaý, qaita qalpyna keltirý jáne nasihattaý úshin quqyqtyq, ǵylymi, tehnikalyq, ákimshilik jáne qarjylyq sharalardy qamtamasyz etý boiynsha aitarlyqtai jaýapkershilik pen mindettemelerdi júkteidi. Alaida, Talhiz qalashyǵy jaǵdaiynda joǵaryda atalǵan missiiany oryndaýda memlekettik organdardyń aldyn-ala kelisilmegen is-qimyly nysandy álemdik mura tiziminen alyp tastaýǵa sebep bolmaq.
«Bul oraida, tarihi nysannyń IýNESKO-nyń Álemdik mádeni mura tiziminde qalýy jáne tereń arheologiialyq zertteýge berik negiz qalyptastyrý úshin naqty sharalar qabyldaý qajet. Sondyqtan, aldaǵy tájiribelik is-qimyldardy oryndaýda naqty nátijelerdi bilý úshin ǵylymi-barlaý zertteýlerden turatyn keshendi sharalardy júzege asyrýymyz qajet» – dedi Imanǵali Tasmaǵambetov.
Keńes qorytyndysy boiynsha Premer-Ministrdiń orynbasarymen kelesi sheshimder qabyldanyp, naqty tapsyrmalar berildi: - Birinshiden, Talǵar (Talhiz) qalashyǵynyń mańyndaǵy barlyq qurylys jumystary toqtatylsyn; ekinshiden, Almaty oblysynyń ákimdigi qorǵaý aimaǵynan tys jańa ainalma jol qurylysyn jobalasyn jáne júrgizsin; úshinshiden, jergilikti jerdiń bederin qalpyna keltirsin, atap aitqanda, jol tósemin salý úshin qazylǵan aryqtardy topyraqpen japsyn; tórtinshiden, qorǵalǵan aimaqtyń ainalasyna qorshaý ornatsyn, sondai-aq, ǵimarattyń qaýipsizdigin jan-jaqty qamtamasyz etsin, onyń ishinde jer asty sýlarynan qorǵaý, eskertkish mańyndaǵy aryqtardy qurǵatsyn; besinshiden, ákimdik qosymsha arheologiialyq zertteýler júrgizý úshin oblys biýdjetinen qarjy bólsin; altynshydan, Mádeniet jáne sport ministrligi IýNESKO jáne ISESKO isteri jónindegi QR Ulttyq komissiiasymen birlesip tarihi-mádeni mura máseleleri boiynsha tiimdi josparlaý jáne basqarýdy qamtamasyz etý maqsatynda QR zańnamasyna ózgerister engizý jóninde usynystar ázirlesin.
Aita keteiik, aldaǵy aida Premer-Ministrdiń orynbasary Imanǵali Tasmaǵambetov oryn alǵan jaǵdaidy sheshý maqsatyn Qazaqstannyń memlekettik organdary tarapynan tiisti sharalar júrgizilip jatqandyǵy jóninde IýNESKO-nyń bas direktory Irina Bokovamen kelissózder júrgizedi.
Eske sala keteiik, Talhiz qalashyǵy qazirgi Qazaqstan, Qyrǵyzstan jáne Qytai aýmaǵynda ornalasqan Uly jibek joly boiyndaǵy orta ǵasyrlyq 33 qalashyqtyń biri sanalady. 2014 jyly Talhiz IýNESKO-nyń Álemdik muralar tizimine engizildi.
