Búgin Qazaqstannyń Máskeýdegi Elshiliginde Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi Imanǵali Tasmaǵambetov RF Prezidentiniń kómekshisi Iýrii Ýshakovqa II dárejeli "Dostyq" ordenin tapsyrdy. Bul týraly elshiliktiń baspasóz qyzmeti habarlady.
Marapattaý rásimi barysynda diplomatiialyq missiia basshysy Memleket basshysy Nursultan Nazarbaevtyń Jarlyǵymen "Qazaqstan men Resei arasyndaǵy qarym-qatynastardy nyǵaitýǵa qosqan zor úlesi úshin" reseilik saiasatker joǵary nagradaǵa laiyq ekenin aitty.
Óz kezeginde, Iýrii Ýshakov joǵary nagrada úshin Qazaqstan basshylyǵyna alǵysyn bildirip, áriptestermen birge elder arasyndaǵy baýyrlas qatynastardy, memleket basshylary arasyndaǵy dostyqty damytý men nyǵaitý úshin qolynan kelgenshe qyzmet atqaratyna sendirdi.
"Dostyq" ordeni – Qazaqstan Respýblikasynyӊ joǵary nagradalarynyӊ biri. Bul ordenmen qoǵamdaǵy ultaralyq jáne azamattyq tatýlyqty saqtaýda jemisti jumys atqarǵan, halyqtar arasyndaǵy beibitshilikti, dostyq pen yntymaqtastyqty nyǵaitýǵa eӊbek siӊirgen azamattar marapattalady.
