Qazaqstannyń vitse-premeri Imanǵali Tasmaǵambetov QR Bilim jáne ǵylym ministrligi men Dúniejúzilik bankiniń «Ónimdi innovatsiiany yntalandyrý» jobasy aiasynda qurylǵan Ǵylym jáne kommertsializatsiialaý boiynsha Halyqaralyq keńesiniń múshelerimen resmi kezdesý ótkizdi. Bul týraly QazAqparat jazdy.
Keńes quramyna 2 qazaqstandyq jáne 5 sheteldik sarapshylar endi: Selýchchi Tomos Entoni - AQSh prezidentteri Barak Obama jáne kishi Djordj Býsh tusyndaǵy kommertsializatsiia jónindegi keńseniń burynǵy direktory, Azýlai Erik Kale - keńes tóraǵasy, kommertsializatsiia tehnologiiasy boiynsha sarapshy, Chanbasha Bashir - munai himiiasy jáne nanotehnologiia salasyndaǵy 2005 jylǵy Aziianyń úzdik zertteýshi-sarapshysy, Martin Emil - University of Texas Health Science Center in Houston, McGovern School of Medicine oqý ornynyń professory, Madjidi Mehdi - áleýmettik innovatsiialar (inkliýzivti), densaýlyq saqtaý salasyndaǵy shaǵyn jáne orta áleýmettik kásipkerlik boiynsha sarapshy, Ońtústik Koreia úkimetindegi jumysshy tobynyń sarapshysy, Asqar Arynǵazin - fizika-matematika ǵylymdarynyń doktory, 70-ten asa ǵylymi eńbekterdiń avtory, Aiýp Ysqaqov - biologiia ǵylymdarynyń doktory, 105-ten asa ǵylymi eńbekterdiń avtory.
Qazirgi ýaqytta Ǵylym jáne kommertsializatsiialaý boiynsha Halyqaralyq keńesiniń músheleri tamyz aiynda ótken baiqaýdyń úzdik jobalaryn anyqtaý boiynsha jumystar júrgizýde. Granttyq baiqaýǵa barlyǵy 400-den asa ótinish tapsyryldy. Ǵylym jáne kommertsializatsiialaý boiynsha Halyqaralyq keńesiniń músheleri 71 jobany iriktep aldy. Dál qazir qujattar konkýrstyq irikteýdiń ekinshi kezeńinen ótýde. Onyń ishinde 30 joba anyqtalyp, granttyq qarjylandyrýǵa ie bolady. Kezdesý barysynda Imanǵali Tasmaǵambetov jańartylatyn energiia, nano- jáne biotehnologiia, robototehnika siiaqty zamanaýi salalardaǵy jobalardy ázirleýge kóńil bólý qajettigin atady. «Baiqońyr ǵarysh ailaǵynyń halyqaralyq mártebesin eskersek, bizdiń elimiz úshin aeroǵarysh salasyndaǵy jobalarǵa basymdyq beriledi» - dedi vitse-premer. «Kez-kelgen memleket úshin ǵylymnyń mańyzyn ózderińiz jaqsy bilesizder. Elimizdiń jetistigi bul salanyń qanshalyqty damyǵany jáne ekonomikaǵy baǵyttalǵanyna táýeldi.
Táýelsizdik jyldaryndaǵy Memleket basshysynyń tikelei qoldaýymen, sondai-aq, halyqaralyq qarjy institýttarynyń tabysty jumysy nátijesinde alǵash ret ǵylymnyń damýyna qomaqty qarjy bólinip otyr. Bul máselede ǵylymi izdenistiń budan ári qarjylandyrylýy otandyq ǵylymdy damytý jumystarynyń tiimdiline jáne durys júzege asyrylýyna bailanysty bolatynyn túsinýimiz qajet» - dep atap ótti Imanǵali Tasmaǵambetov. Kezdesý barysynda jobalardyń birden-bir quramdas bóligi - ol óndiristik mindetterdi sheshý úshin óndiristik jáne áleýmettik sektorlardyń innovatsiialyq konsortsiýmyn qurý jáne áleýmettik qyzmet kórsetý sapasyn jaqsartý arqyly halyqtyń turmys deńgeiin kóterý ekendigi aityldy.
«Ónimdi innovatsiiany yntylandyrý» jobasyna kelsek, ol 2016-2021 jyldar aralyǵynda Qazaqstanda júzege asyrylady. Joba 5 quramdas bólikten turady. Atap aitqanda, ǵylymi jobalar men PhD zertteýleri úshin granttar, óndiristik konsortsiýmdar men áleýmettik innovatsiia konsortsiýmdaryn qurýǵa baǵyttalǵan granttar, venchýrlyq qor, brokerlik komanda, sheteldegi tehnologiialyq jyldamddatý keńselerin qurýǵa baǵyttalǵan tehnologiialardy kommertsializatsiialaý júiesin biriktiretin bólik, sondai-aq, jobalardy basqarý boiynsha toptar qyzmetin qarjylandyrý bóligin quraidy. Sonymen qatar, joǵary oqý oryndarynyń janynan respýblikadaǵy innovatsiialarǵa taldaý jasaý alańyn qurý josparlanýda.
