قازاقستاننىڭ ۆيتسە-پرەمەرٸ يمانعالي تاسماعامبەتوۆ قر بٸلٸم جەنە عىلىم مينيسترلٸگٸ مەن دٷنيەجٷزٸلٸك بانكٸنٸڭ «ٶنٸمدٸ يننوۆاتسييانى ىنتالاندىرۋ» جوباسى اياسىندا قۇرىلعان عىلىم جەنە كوممەرتسياليزاتسييالاۋ بويىنشا حالىقارالىق كەڭەسٸنٸڭ مٷشەلەرٸمەن رەسمي كەزدەسۋ ٶتكٸزدٸ. بۇل تۋرالى قازاقپارات جازدى.
كەڭەس قۇرامىنا 2 قازاقستاندىق جەنە 5 شەتەلدٸك ساراپشىلار ەندٸ: سەلۋچچي توموس ەنتوني - اقش پرەزيدەنتتەرٸ باراك وباما جەنە كٸشٸ دجوردج بۋش تۇسىنداعى كوممەرتسياليزاتسييا جٶنٸندەگٸ كەڭسەنٸڭ بۇرىنعى ديرەكتورى, ازۋلاي ەريك كالە - كەڭەس تٶراعاسى, كوممەرتسياليزاتسييا تەحنولوگيياسى بويىنشا ساراپشى, چانباشا باشير - مۇناي حيميياسى جەنە نانوتەحنولوگييا سالاسىنداعى 2005 جىلعى ازييانىڭ ٷزدٸك زەرتتەۋشٸ-ساراپشىسى, مارتين ەميل - University of Texas Health Science Center in Houston, McGovern School of Medicine وقۋ ورنىنىڭ پروفەسسورى, مادجيدي مەحدي - ەلەۋمەتتٸك يننوۆاتسييالار (ينكليۋزيۆتٸ), دەنساۋلىق ساقتاۋ سالاسىنداعى شاعىن جەنە ورتا ەلەۋمەتتٸك كەسٸپكەرلٸك بويىنشا ساراپشى, وڭتٷستٸك كورەيا ٷكٸمەتٸندەگٸ جۇمىسشى توبىنىڭ ساراپشىسى, اسقار ارىنعازين - فيزيكا-ماتەماتيكا عىلىمدارىنىڭ دوكتورى, 70-تەن اسا عىلىمي ەڭبەكتەردٸڭ اۆتورى, ايۋپ ىسقاقوۆ - بيولوگييا عىلىمدارىنىڭ دوكتورى, 105-تەن اسا عىلىمي ەڭبەكتەردٸڭ اۆتورى.
قازٸرگٸ ۋاقىتتا عىلىم جەنە كوممەرتسياليزاتسييالاۋ بويىنشا حالىقارالىق كەڭەسٸنٸڭ مٷشەلەرٸ تامىز ايىندا ٶتكەن بايقاۋدىڭ ٷزدٸك جوبالارىن انىقتاۋ بويىنشا جۇمىستار جٷرگٸزۋدە. گرانتتىق بايقاۋعا بارلىعى 400-دەن اسا ٶتٸنٸش تاپسىرىلدى. عىلىم جەنە كوممەرتسياليزاتسييالاۋ بويىنشا حالىقارالىق كەڭەسٸنٸڭ مٷشەلەرٸ 71 جوبانى ٸرٸكتەپ الدى. دەل قازٸر قۇجاتتار كونكۋرستىق ٸرٸكتەۋدٸڭ ەكٸنشٸ كەزەڭٸنەن ٶتۋدە. ونىڭ ٸشٸندە 30 جوبا انىقتالىپ, گرانتتىق قارجىلاندىرۋعا يە بولادى. كەزدەسۋ بارىسىندا يمانعالي تاسماعامبەتوۆ جاڭارتىلاتىن ەنەرگييا, نانو- جەنە بيوتەحنولوگييا, روبوتوتەحنيكا سيياقتى زاماناۋي سالالارداعى جوبالاردى ەزٸرلەۋگە كٶڭٸل بٶلۋ قاجەتتٸگٸن اتادى. «بايقوڭىر عارىش ايلاعىنىڭ حالىقارالىق مەرتەبەسٸن ەسكەرسەك, بٸزدٸڭ ەلٸمٸز ٷشٸن اەروعارىش سالاسىنداعى جوبالارعا باسىمدىق بەرٸلەدٸ» - دەدٸ ۆيتسە-پرەمەر. «كەز-كەلگەن مەملەكەت ٷشٸن عىلىمنىڭ ماڭىزىن ٶزدەرٸڭٸز جاقسى بٸلەسٸزدەر. ەلٸمٸزدٸڭ جەتٸستٸگٸ بۇل سالانىڭ قانشالىقتى دامىعانى جەنە ەكونوميكاعى باعىتتالعانىنا تەۋەلدٸ.
تەۋەلسٸزدٸك جىلدارىنداعى مەملەكەت باسشىسىنىڭ تٸكەلەي قولداۋىمەن, سونداي-اق, حالىقارالىق قارجى ينستيتۋتتارىنىڭ تابىستى جۇمىسى نەتيجەسٸندە العاش رەت عىلىمنىڭ دامۋىنا قوماقتى قارجى بٶلٸنٸپ وتىر. بۇل مەسەلەدە عىلىمي ٸزدەنٸستٸڭ بۇدان ەرٸ قارجىلاندىرىلۋى وتاندىق عىلىمدى دامىتۋ جۇمىستارىنىڭ تيٸمدٸلٸنە جەنە دۇرىس جٷزەگە اسىرىلۋىنا بايلانىستى بولاتىنىن تٷسٸنۋٸمٸز قاجەت» - دەپ اتاپ ٶتتٸ يمانعالي تاسماعامبەتوۆ. كەزدەسۋ بارىسىندا جوبالاردىڭ بٸردەن-بٸر قۇرامداس بٶلٸگٸ - ول ٶندٸرٸستٸك مٸندەتتەردٸ شەشۋ ٷشٸن ٶندٸرٸستٸك جەنە ەلەۋمەتتٸك سەكتورلاردىڭ يننوۆاتسييالىق كونسورتسيۋمىن قۇرۋ جەنە ەلەۋمەتتٸك قىزمەت كٶرسەتۋ ساپاسىن جاقسارتۋ ارقىلى حالىقتىڭ تۇرمىس دەڭگەيٸن كٶتەرۋ ەكەندٸگٸ ايتىلدى.
«ٶنٸمدٸ يننوۆاتسييانى ىنتىلاندىرۋ» جوباسىنا كەلسەك, ول 2016-2021 جىلدار ارالىعىندا قازاقستاندا جٷزەگە اسىرىلادى. جوبا 5 قۇرامداس بٶلٸكتەن تۇرادى. اتاپ ايتقاندا, عىلىمي جوبالار مەن PhD زەرتتەۋلەرٸ ٷشٸن گرانتتار, ٶندٸرٸستٸك كونسورتسيۋمدار مەن ەلەۋمەتتٸك يننوۆاتسييا كونسورتسيۋمدارىن قۇرۋعا باعىتتالعان گرانتتار, ۆەنچۋرلىق قور, بروكەرلٸك كوماندا, شەتەلدەگٸ تەحنولوگييالىق جىلدامدداتۋ كەڭسەلەرٸن قۇرۋعا باعىتتالعان تەحنولوگييالاردى كوممەرتسياليزاتسييالاۋ جٷيەسٸن بٸرٸكتٸرەتٸن بٶلٸك, سونداي-اق, جوبالاردى باسقارۋ بويىنشا توپتار قىزمەتٸن قارجىلاندىرۋ بٶلٸگٸن قۇرايدى. سونىمەن قاتار, جوعارى وقۋ ورىندارىنىڭ جانىنان رەسپۋبليكاداعى يننوۆاتسييالارعا تالداۋ جاساۋ الاڭىن قۇرۋ جوسپارلانۋدا.
