Máskeýde The Ritz-Carlton qonaqúiinde Qazaqstan Respýblikasynyń Táýelsizdik kúnine orai saltanatty qabyldaý ótti.
RF Prezidenti Ákimshiligi, Úkimeti jáne SIM ókilderi, Memlekettik Dýma jáne Federatsiia Keńesiniń depýttary, Máskeýde akkredittelgen sheteldik diplomatiialyq korpýs pen halyqaralyq uiymdardyń basshylyq quramy, ǵylym jáne mádeniet qairatkerleri, qazaq diasporasynyń ókilderi kesh qonaqtary boldy.
Óz sózinde Qazaqstan Respýblikasynyń Resei Federatsiiasyndaǵy Elshisi Imanǵali Tasmaǵambetov táýelsizdik alǵannan bastap, Qazaqstan óziniń áleýmettik-ekonomikalyq jáne saiasi damýynda qarqyndy serpilis jasaǵanyn atap ótti.
"Bul jetistikterge barsha qazaqstandyq halyq umtylysynyń, sondai-aq strategiialyq danalyǵy álemdik sahnadaǵy eldik zamanaýi kelbetin anyqtaǵan Prezident Nursultan Nazarbaevtyń kóshbasshylyǵy arqasynda qol jetkizildi", – dep aitty dipmissiia basshysy.
Elshi Táýelsizdiktiń birinshi kúnderinen bastap búgingi kúnge deiin Resei Qazaqstan úshin eń jaqyn dosy ári kórshisi bolǵanyn eske saldy. Imanǵali Tasmaǵambetovtiń sózinshe, ótip bara jatqan 2018 jyl ekijaqty qarym-qatynastar úshin jemisti boldy, barlyq máseleler boiynsha ózara árekettesýdiń oń qarqyny baiqaldy.
Óz kezeginde, RF Syrtqy ister ministriniń orynbasary Aleksandr Pankin qysqa merzimniń ishinde zamanaýi úrdis boiynsha biregei tájiribe men dástúrlerdi eskeretin memleketaralyq qarym-qatynastardyń sapaly jańa modeli qalyptasqanyna nazar aýdardy. Onyń sózinshe, qos el dostyq kórshilestik pen ózara túsinistik dástúrlerinen ainymastyǵyn kórsetip júr. "Kóregen memleket qairatkeri Nursultan Ábishuly Nazarbaevtyń basshylyǵymen qol jetkizgen dostarymyzdyń tabystary bizdi tań qaldyrady. Biz úshin onyń Reseimen jan-jaqty áriptestik jáne eýraziialyq keńistiktegi ekonomikalyq integratsiialyq baǵyty erekshe baǵaly", – dep atap ótti reseilik diplomat.
Qazaqstandyqtardy Táýelsizdik kúnimen áigili reseilik biznes, ǵylym jáne mádeniet ókilderi quttyqtap jatty.
"KamAZ" ÓAQ bas direktory Sergei Kogogin kórshi memlekettiń jetistikterine shynaiy qýanatynyn moiyndady. "Biz Qazaqstanda kóp jyl jumys isteimiz jáne óz úiimizdegidei sezinemiz. Biznesti júrgizý úshin osynsha qolaily jaǵdailardy álemniń basqa elinde tabý sirek kezdesedi. Bizi respýblikanyń ekonomikasy odan ári belsendi damyp, turaqty bolyp qala beretinene senim bildiremiz", – dedi kásiporyn basshysy.
Tanymal reseilik aktrisa Lidiia Fedoseeva-Shýkshina qazaqstandyqtardy merekemen quttyqtady. "Men Qazaqstandy óte jaqsy kóremin, sebebi túrli festivalderge kóp ret barǵanmyn. Onda qandai qonaqjai, tamasha, sulý halyq turatynyn bilemin. Sizderdiń elderińizde ózimizdi árqashan erkin jáne jaily sezinetimbiz", – dedi aktrisa.
Qabyldaý barysynda qonaqtar saltanatty is-sharaǵa ulttyq erekshelik bergen qazaq folklorlyq ujymynyń ónerine jáne Nurlan Smaǵulovtyń jeke jinaqtamasynan qazaqstandyq sýretshilerdiń týyndylarynyń kórmesin tamashalai aldy.
