Premer-ministr Oljas Bektenov Úkimet otyrysynda tasqynnan zardap shekken turǵyndarǵa turmystyq tehnika alýǵa qarajat beriletinin aitty.
«Zardap shekkenderge keltirilgen shyǵyndardy óteý tártibine túzetýler bekitildi. Keshe men tiisti qaýlyǵa qol qoidym. Qazirgi ýaqytta 11 myńǵa jýyq otbasy 100 ailyq eseptik kórsetkish mólsherinde tólem aldy. Bul – úlken jumystyń basy ǵana. Oǵan qosymsha taǵy 150 ailyq eseptik kórsetkishke deiin tóleitin bolamyz. Oǵan adamdar tońazytqysh, ústel, oryndyqtar, ydys-aiaq, kiim-keshek siiaqty joǵalǵan birinshi kezektegi qajetti zattardy satyp ala alady», - dedi Úkimet basshysy.
Sondai-aq, ol kásipkerlerdiń shyǵyny óteletinin aitty.
«Azamattarǵa aitatynym, sabyr saqtańyzdar. Eshkim de kómeksiz qalmaidy Bul máselelerdiń barlyǵy Prezidenttiń jáne meniń jeke baqylaýymda. Sondyqtan biz osy synaqtan abyroimen ótemiz dep bilemin», - dedi Premer-ministr.
