Foto: Inder aýdanynyń ákimdigi
Aýyl sharýashylyǵy vitse-ministri Amanǵali Berdalin tasqynnan zardap shekken 12 myńnan astam maldyń 237 basyna ǵana ótemaqy tólenbegenin aitty, dep habarlaidy «Ult aqparat» Kazinform-ǵa silteme jasap.
«Qora, úi siiaqty múliktiń bári jyljymaityn múlik tizbesinde turady. Sondyqtan ol aýyl sharýashylyǵy ministrliginiń quzyryna jatpaidy. Biz mal sanaǵyn júrgizemiz. Soǵan sáikes 12 500-ge jýyq mal shyǵyny tirkeldi. Sonyń ishinde 237 bas maldan basqasynyń bárine, 98 paiyzyna ótemaqy tólendi», — dedi vitse-ministr.
Amanǵali Berdalin qora-qopsyny qalpyna keltirý máselesimen jergilikti komissiiaǵa júginýge bolatynyn aitty.
«Barlyq ótinishterdi jergilikti komissiialar qaraidy. Ony tóleitin - jergilikti atqarýshy organdar. Áýeli komissiiaǵa ótinishi berse, tekserse, qajet bolsa ne qordyń esebinen, ne biýdjet esebinen tóleý jóninde sheshim qabyldaidy», — dedi vitse-ministr.
Onyń aitýynsha, qalǵan 237 bas maldyń ótemaqysyna qatysty áli sheshim qabyldanbaǵan.
