Foto: gov.kz
Búgin Úkimette ótken brifingte jýrnalister Aýyl sharýashylyǵy ministri Aidarbek Saparovtan sý tasqynynan zardap shekken óńirlerde kókónis qoimalaryndaǵy ónimder shirip ketetini ras pa ekenin surady, sondai-aq azyq-túlik baǵasy da sóz boldy, dep habarlaidy "Ult Aqparat".
"Qazaqstannyń sý basqan óńirlerinde kókónis qoimalary shirip jatyr degen aqparat bar. Siz bul aqparatty rastaisyz ba?" - degen tilshige ministr Aidarbek Saparov mundai aqparat joq ekenin aitty.
"Biz kúndelikti qysqasha málimet jinaimyz. Bizdegi aqparat boiynsha Aýyl sharýashylyǵy ministrligine jalpy kókónis qoimalary boiynsha derekter áli túsken joq. Bul rette, eger búgin-erteń qosymsha aqparat kelip tússe, qansha, qalai, nege ekenin biz sizderge aitamyz", - dedi Aýyl sharýashylyǵy ministrliginiń basshysy.
Jýrnalister sonymen qatar tasqyn sýdan zardap shekken aimaqtarda azyq-túlik baǵasy ósti me, joq pa, sony naqtylaǵylary kelip edi, ministr bylai dep jaýap berdi:
"Ortasha baǵa 0,3-0,5 paiyzǵa ósti. Azyq-túlik qunyna sý tasqyny áser etken joq dep aitýǵa bolady", - dep jaýap berdi ministr.
Esterińizge sala keteiik, buǵan deiin aýyl sharýashylyǵy ministrliginde sý tasqynyna bailanysty astyq pen kókónis jáne basqa da aýyl sharýashylyǵy ónimderine zaqym kelýi múmkin ekenin aitqan bolatyn.
