Foto: freepik
Jylyoi aýdanynyń kásipkerlik jáne aýyl sharýashylyǵy bólimine sý tasqyny kezinde malynan airylǵan turǵyndardan 101 ótinish kelip tústi, dep habarlaidy «Ult aqparat» Tótenshe jaǵdailar jónindegi jedel shtabqa silteme jasap.
Jylyoi aýdanynda sý tasqyny kezinde barlyǵy 876 bas usaq jáne iri qara mal zardap shekti.
Onyń ishinde:
- 93 bas iri qara mal,
- 697 bas usaq mal,
- 55 bas jylqy,
- 31 bas túie
- 532 qus.
Aita keteiik, 2024 jyldyń 20 mamyrynan bastap malynan airylǵan 23 iesine jalpy somasy 25,6 mln teńgege ótemaqy tólendi.
"Sý tasqyny kezinde maly zardap shekken qalǵan 78 turǵynǵa aqshalai ótemaqy aǵymdaǵy aidyń sońyna deiin tólenedi. Tólemderdiń jalpy somasy 93,5 mln teńgeni quraidy", - dedi Jylyoi aýdanynyń kásipkerlik jáne aýyl sharýashylyǵy bóliminiń basshysy Nurtas Qýatbaev.
