video kadry
Tashkenttiń Sirgeli aýdanyndaǵy jarylys bolǵan qoimada ne saqtalǵany belgili boldy, - dep habarlaidy Tengrinews.kz saity Gazeta.uz saityna silteme jasap.
Halyqaralyq logistika ortalyǵy (United Cargo Center) málimetinshe, qoimada janǵysh zattar bolmaǵan.
"Jarylǵysh zattar saqtalǵan joq. Jarylysqa ne sebep bolǵanyn bilmeimiz. Bizde ushqyn týdyratyn janǵysh zattar bolǵan joq", - deidi keshen ókili.
Onyń aitýynsha, órt shyqqan birinshi tońazytqysh qoimada margarin, kúnbaǵys maiy, maionez jáne ketchýp saqtalǵan.
Sonymen qatar ol qoima qyzmetkerleriniń eshqaisynyń jarylystan zardap shekpegenin atap ótti.
Qazir sheneýnikter oqiǵanyń mán-jaiyn, jarylys sebebin anyqtap jatyr.
Logistikalyq keshen saityndaǵy aqparatqa sáikes, ol 2017 jyldyń naýryzynda jańadan qurylǵan Interlogistics BK JShQ kompaniiasy negizinde jumysyn bastaǵan.
Keshen taýarlardy qabyldaý, saqtaý, kedendik resimdeý jáne jóneltýge bailanysty qyzmetterdi kórsetedi. Keshendegi júkterdi jabyq qoimada, sarai qoimasynda nemese ashyq jerde, sondai-aq konteinerlerde saqtaýǵa bolady.
