video kadry
28 qyrkúiekke qaraǵan túni Tashkenttiń Sirgeli aýdany «Qurylysshylar» filialyndaǵy «Inter Logistics» jaýapkershiligi shekteýli seriktestigine tiesili qoimada qýatty jarylys boldy, dep habarlaidy QazAqparat agenttigi Gazeta.uz-ǵa silteme jasap.
TJM-ǵa jergilikti ýaqytpen saǵat 2:43-te órt týraly habar kelip túsken. Jarylystan keiin Tashkenttiń Sirgeli aýdanyndaǵy qoimada órt shyqty. Zardap shekkender bar.
Jelidegi beinejazbalarda úi men basqa da zattardyń qatty zaqymdalǵanyn kórýge bolady. Qazir tilsiz jaý aýyzdyqtaldy. Órt sóndirý jumystary jalǵasyp jatyr.
Oqiǵa ornyna 16 órt sóndirý brigadasy men 3 júk kóliginiń júrgizýshisi saǵat 02:48-de jetken.
Áleýmettik jelide taraǵan videolardan qatty jarylys estiledi. Jaqyn mańdaǵy úiler, saýda jáne basqa da ortalyqtar aitarlyqtai zardap shekken. Jedel járdem páterlerdi de aralap júr.
TJM oqiǵanyń ushaq apaty saldarynan bolǵany týraly aqparatty joqqa shyǵardy.
Densaýlyq saqtaý ministriniń málimetinshe, jarylys saldarynan zardap shekkender Respýblikalyq jedel meditsinalyq járdem ǵylymi ortalyǵy men onyń Tashkent oblysyndaǵy filialyna jetkizilgen.
«Ázirge olardyń arasynda aýyr jaraqat alǵandar joq. Dárigerler zardap shekkenderge barlyq qajetti meditsinalyq kómekti kórsetip jatyr», - delingen habarlamada.
Jarylystyń sebebi anyqtalǵan joq. Órt áli tolyǵymen sónbedi. Zardap shekkender men zaqymdanǵan kólik sany anyqtalyp jatyr.
