Búgin Tashkent qalasynyń áýejaiyna AstraZeneca vaktsinasynyń birinshi partiiasy jetkizildi, dep habarlaidy "Ult aqparat".
Ózbekstan Respýblikasy Densaýlyq saqtaý ministrliginiń málimeti boiynsha, Ózbekstan COVAX baǵdarlamasynyń aiasynda atalǵan vaktsinanyń 2256 dozasyn alýǵa nietti. 660 myń dozany quraityn birinshi partiia búgin jetkizilse, ekinshi partiia mamyr aiynda kútilip otyr.
«AstraZeneca vaktsinasy basqa elderde synaqtan ótip bolǵandyqtan, Ózbekstanda ony tekserý eń qysqa merzim – bir apta ishinde ótedi. Vaktsina Dúniejúzilik densaýlyq saqtaý uiymy keńes etken 3 vaktsinanyń biri bolyp tabylady. Preparat birinshi kezekte 16 jastan asqan balalarǵa egiledi. Atalǵan partiia ózbekstandyqtardyń 3 paiyzyn qamtidy», - dep naqtylady ÓR Densaýlyq saqtaý ministrliginen.
«DDSU AstraZeneca vaktsinasyn tótenshe jaǵdaida qoldanylatyn ekpeler tizimine kirgizdi, bul ony COVAX arqyly jahandyq deńgeide taratýǵa múmkindik berdi. Ózbekstan AstraZeneca vaktsinasyn qoldanatyn 49-shy el bolyp tabylady. Vaktsinalardyń sapasyn, qaýipsizdigi men tiimdiligin qamtamasyz etý – DDSU-nyń eń joǵary basymdyqtarynyń biri», - dep atap ótti DDSU-nyń Ózbekstan elindegi ókili Liann Kýppens.
