بٷگٸن تاشكەنت قالاسىنىڭ ەۋەجايىنا AstraZeneca ۆاكتسيناسىنىڭ بٸرٸنشٸ پارتيياسى جەتكٸزٸلدٸ, دەپ حابارلايدى "ۇلت اقپارات".
ٶزبەكستان رەسپۋبليكاسى دەنساۋلىق ساقتاۋ مينيسترلٸگٸنٸڭ مەلٸمەتٸ بويىنشا, ٶزبەكستان COVAX باعدارلاماسىنىڭ اياسىندا اتالعان ۆاكتسينانىڭ 2256 دوزاسىن الۋعا نيەتتٸ. 660 مىڭ دوزانى قۇرايتىن بٸرٸنشٸ پارتييا بٷگٸن جەتكٸزٸلسە, ەكٸنشٸ پارتييا مامىر ايىندا كٷتٸلٸپ وتىر.
«AstraZeneca ۆاكتسيناسى باسقا ەلدەردە سىناقتان ٶتٸپ بولعاندىقتان, ٶزبەكستاندا ونى تەكسەرۋ ەڭ قىسقا مەرزٸم – بٸر اپتا ٸشٸندە ٶتەدٸ. ۆاكتسينا دٷنيەجٷزٸلٸك دەنساۋلىق ساقتاۋ ۇيىمى كەڭەس ەتكەن 3 ۆاكتسينانىڭ بٸرٸ بولىپ تابىلادى. پرەپارات بٸرٸنشٸ كەزەكتە 16 جاستان اسقان بالالارعا ەگٸلەدٸ. اتالعان پارتييا ٶزبەكستاندىقتاردىڭ 3 پايىزىن قامتيدى», - دەپ ناقتىلادى ٶر دەنساۋلىق ساقتاۋ مينيسترلٸگٸنەن.
«ددسۇ AstraZeneca ۆاكتسيناسىن تٶتەنشە جاعدايدا قولدانىلاتىن ەكپەلەر تٸزٸمٸنە كٸرگٸزدٸ, بۇل ونى COVAX ارقىلى جاھاندىق دەڭگەيدە تاراتۋعا مٷمكٸندٸك بەردٸ. ٶزبەكستان AstraZeneca ۆاكتسيناسىن قولداناتىن 49-شى ەل بولىپ تابىلادى. ۆاكتسينالاردىڭ ساپاسىن, قاۋٸپسٸزدٸگٸ مەن تيٸمدٸلٸگٸن قامتاماسىز ەتۋ – ددسۇ-نىڭ ەڭ جوعارى باسىمدىقتارىنىڭ بٸرٸ», - دەپ اتاپ ٶتتٸ ددسۇ-نىڭ ٶزبەكستان ەلٸندەگٸ ٶكٸلٸ ليانن كۋپپەنس.
