Almaty qalasynda 33 sot sarapshysy qańtar aiyndaǵy oqiǵalar kezindegi tártipsizdikter men tonaý jaǵdailaryn tergeý aiasynda jumys istep jatyr, dep habarlaidy "Ult aqparat" Úkimettiń baspasóz qyzmetine silteme jasap.
Saraptamany 19 jergilikti jáne basqa óńirlerden issaparǵa jiberilgen 14 maman júrgizip jatyr. Osylaisha, sot sarapshylarynyń júktemesi qalypty sheginde, qaǵazbastylyqqa salyný jáne jumys merzimin keshiktirý jaǵdailary joq. Jalpy, Almaty qalasynda 5 baǵyt boiynsha, atap aitsaq, qurylys, taýartaný, órt tehnikalyq, ballistikalyq jáne ekonomikalyq.saraptamalar júrgizilýde.
Premer-Ministr Álihan Smaiylovtyń tapsyrmasy boiynsha jedel tergeý maqsatynda Ádilet ministrligi 68 sot sarapshysynan turatyn qosymsha rezerv qurdy, olardyń kópshiligi ekonomikalyq saraptamaǵa mamandanǵan.
2021 jylǵy 31 qańtardan bastap rezervtegi mamandardyń bir bóligi óńirge jiberiledi. Qalǵandary tiisti organdardyń sot saraptamasyn taǵaiyndaýyna qarai jumysqa tartylatyn bolady.
Úkimettiń baspasóz qyzmeti osyndai saraptamalyq jumystar Shymkent qalasy men Jambyl, Qyzylorda, Almaty, Aqtóbe, Shyǵys Qazaqstan oblystarynda da júrgizilip jatqanyn atap ótti.
