Tártipsizdikter kezinde zalal kelgen memlekettik organdardyń 15 ǵimaratyna kúrdeli jóndeý qajet.
Bul jaiynda QR Indýstriia jáne infraqurylymdyq damý ministrligi málimet taratty.
Oǵan sáikes, QR Prezidentiniń Almatydaǵy rezidentsiiasyn QR Prezidentiniń Is basqarmasy qalpyna keltiredi.
QR Premer-Ministri Álihan Smaiylov ótkizgen selektorlyq jiynda QR Indýstriia jáne infraqurylymdyq damý ministri Qaiyrbek Óskenbaev elimizdiń 8 óńirindegi tártipsizdik kezinde birqatar ǵimarattar, onyń ishinde memleketke tiesili 45 ǵimarat zardap shekkenin habarlady.
«QR Prezidentiniń Is basqarmasy josparly túrde qalpyna keltiretin Prezidenttiń Almatydaǵy rezidentsiiasyn qospaǵanda, qazirgi ýaqytta barlyq memlekettik nysandar boiynsha tehnikalyq tekserý júrgizildi. 45 memlekettik nysannyń 15-i kúrdeli jóndeý men qaita jańartýdy, qalǵan 30 ǵimarat aǵymdaǵy jóndeýdi qajet etedi», - dedi QR IIDM basshysy.
Ministrdiń aitýynsha, búgingi tańda 4 nysanda qalpyna keltirý jumystary aiaqtaldy. Qalǵandary boiynsha smetalyq jáne jobalyq-smetalyq qujattamalar ázirlenedi.
