Qańtardaǵy miting pen odan keiingi tártipsizdikter barysynda narazylyq bildirýshiler birqatar qalada ákimshilik jáne kommertsiialyq ǵimarat pen avtokólikterdi órtegen, dep jazady Sputnik Qazaqstan.
Tótenshe jaǵdailar ministrliginiń habarlaýynsha, tótenshe jaǵdai jariialanǵan kúnnen bastap TJM bólimsheleri ártúrli ákimshilik, onyń ishinde memlekettik menshik obektilerinde, sondai-aq tirshilikti qamtamasyz etý obektileri men biznes sýbektilerinde bolǵan 117 órtti sóndirdi. Onyń ishinde Almaty qalasynda – 58, Shymkent qalasynda – 14, Almaty oblysynda – 9, ShQO – 3, Jambyl oblysynda – 7, Qyzylorda oblysynda 26 órt bolǵan.
TJM qyzmetkerleri órt sóndirý kezinde 30-dan astam adamdy qutqaryp, 115 adamdy evakýatsiialady.
Tótenshe jaǵdailardy joiýǵa jeke quramnan 1 300-ge jýyq adam jáne 250 birlik tehnika jumyldyryldy.
Qyzmettik mindetin oryndaý kezinde 10 qyzmetker zardap shekti. Onyń ishinde 1 qyzmetkerge oq tidi. Jeke quram qyzmetkerlerine meditsinalyq kómek kórsetilgennen keiin úilerine qaitaryldy.
Órt sóndirý kezinde jalpy 30 órt sóndirý-qutqarý tehnikasy qirady. Tártip buzýshylar 7 tehnikany aidap áketip, onyń beseýin órtep jibergen. Taǵy 25 tehnika qirady.
Qazirgi ýaqytta 21 tehnika qalpyna keltirildi, qalǵany iske jaramsyz bolyp qaldy.
