Tártipsizdik kezinde eń kóp zardap shekken nysandar — biznes nysandary. Bul týraly Ortalyq kommýnikatsiialar qyzmetinde QR IIM Tergeý departamentiniń bastyǵy Sanjar Ádilov málim etti, dep habarlaidy QazAqparat.
«Qańtar oqiǵasyna bailanysty qozǵalǵan qylmystyq isterdi tergeý barysy jónindegi jańa málimetter berýge ruqsat etińizder. Almaty, Taldyqorǵan, Taraz, Shymkent, Qyzylorda, Óskemen, Aqtóbe, Atyraý jáne Semei qalalarynda 1 466 ártúrli úi-jaiǵa shabýyl jasaldy. Onyń ishinde 71 memlekettik mekeme, sonyń arasynda 12-si ákimshilik ǵimarat pen 27 politsiia nysany bar», - dedi S. Ádilov.
Onyń aitýynsha, eń kóp zardap shekken biznes nysandary boldy. Bul obektiler zaqym keltirýden ózge tolyqtai tonaldy, iaǵni olardyń sany – 1 395.
«Odan ózge 700-den astam avtokólik zaqymdalyp, joiyldy, sonyń 500-den astamy politsiianyń, Qorǵanys jáne Tótenshe jaǵdai ministrlikteriniń, jedel járdem jáne ózge organdardyń qyzmettik kólikteri. Sondai-aq 116 jeke adam kólikteri bar», - dedi Tergeý departamentiniń bastyǵy.
