Eldegi tártipsizdikter kezinde qaitys bolǵan áskeriler men saqshylardyń balasyna JOO granty bólinedi. Bilim jáne ǵylym ministri Ashat Aimaǵambetovtiń aitýynsha, mundai bastama Prezident tapsyrmasynyń aiasynda kóterilip otyr, dep habarlaidy QazAqparat.
«Halyq tyǵyz ornalasqan óńirlerdiń jáne bilim berý salasynda úlken alshaqtyq bar óńirlerdiń túlekteri úshin tehnikalyq baǵyttar boiynsha nysanaly grant bólý josparlanýda. Granttar Qazaqstannyń jetekshi joǵary oqý oryndarynda oqý úshin bólinedi. Sondai-aq, oqýyn bitirgennen keiin negizgi turatyn jeri boiynsha jumys óteý kózdeledi. Prezidenttiń tehnikalyq mamandyqtarǵa basymdyq berý týraly tapsyrmasynyń sheńberinde osy baǵytqa bólinetin granttar sany biyl 60 paiyzǵa deiin kóbeitiledi», - dedi ministr.
Vedomstvo basshysy eldegi tártipsizdikter kezinde qyzmettik boryshyn óteý jolynda qaitys bolǵan áskeriler men saqshylardyń otbasyna qoldaý kórsetý boiynsha mańyzdy usynys engizilgenin atady.
«Qoǵamdyq tártipti saqtaý jqnindegi mindetterin óteý kezinde qazaq tapqan áskeri qyzmetshilerdiń, quqyq qorǵaý jáne arnaýly memlekettik organdar qyzmetkerleriniń balalaryna ýniversitetterde oqý úshin bilim granttaryn berý usynylady. Bul da Memleket basshysy bergen tapsyrmanyń sheńberinde», - dedi Ashat Aimaǵambetov.
