Memleket basshysy halyqqa arnaǵan biylǵy Joldaýynda Qazaqstannyń Úshinshi jańǵyrýy bastalǵanyn jariialady. Mundaǵy basty maqsatymyz – Máńgilik El bolýǵa bet alǵan qalyptasqan memleketimizdiń álemdegi eń damyǵan otyz eldiń qataryna qosylý.
Bul ońai iske asyra salatyn sharýa emes. Ol úshin aldymen sana silkinisi qajet, rýhani bailyǵymyzdy qadirlei bilýimiz kerek. Óitkeni, básekege qabiletti bolý tek qana ekonomikaǵa bailanysty emes. Tek joǵary bilimdi jáne rýhani bai halyq qana syrtqy áserlerdi durys qabyldai alady. Osy máselelerdi negizge ala otyryp, Elbasymyz «Bolashaqqa baǵdar: rýhani jańǵyrý» maqalasyn jariialady. Atalmysh maqala keremet áser qaldyrdy. Bul dúnieni strategiialyq mańyzǵa ie, jasampaz halqymyzdyń jarqyn bolashaǵyn aiqyndaityn oitolǵam desek bolady.
Baiqaǵanymyzdai, maqalanyń árbir sózi, árbir baǵyty maqsatqa toly, júrekten shyqqan sózder. Ulttyń uly muratyna jetý úshin jasalynǵan shynaiy baǵdar. Tarih toǵystyrǵan, taǵdyr tabystyrǵan búgingi uly kúnge biz berik senimmen jetip otyrmyz. Al, ony qolda berik ustap, kózdiń qarashyǵyndai saqtaý qai-qaisysymyzǵa da amanat. Elbasymyz kótergen máselelerde elimizdiń erteńgi baǵyt-baǵdary naqty aiqyndalǵan. Iaǵni ult bolyp qalyptasýdyń syry men sipaty jan-jaqty ashylǵan.
Prezident rýhani jańǵyrýdy júzege asyrýda, álemde eshkimge uqsamaityn derbes ult bolýymyz úshin «Jahandaǵy zamanaýi qazaqstandyq mádeniet» jobasyn iske asyrý mindetin qoiyp otyr. Mádenietimizdiń ozyq úlgileri álemdik deńgeide keńinen tanylyp, dúnie júzindegi básekege qabilettiligi halyqaralyq deńgeige sai bolýy qajet. Mádenietti jasaityn halyq bolǵandyqtan, osy ideianyń aiasynda zamandastarymyzdyń jetistikterin kórsetýge baǵyttalǵan «Qazaqstandaǵy 100 jańa esim» jobasy qolǵa alynatyn bolady. Bul táýelsizdik jyldaryndaǵy jetistikterge qol jetkizýge mol úles qosqan tulǵalarymyzdy elge tanytýdy kózdeitin joba bolmaq. Árine, bul baǵytta sansyz babtar mekeni sanalatyn Sairam aýdanynda da aýqymdy ister atqarylmaq. Yntymaqtyń úlgisi, syilastyqtyń simvoly sanalatyn aýdan halqy el igiligi úshin aianbai ter tógip keledi. Osyny eskere otyryp, «Qazaqstandaǵy 100 jańa esim» jobasy aiasynda aýdan azamattaryn elge tanytatyn bolamyz.
Olai bolsa, ýaqyt talaby men el damýynyń tarihi kezeńine sai qoǵamdyq sanany jańǵyrtýdy qolǵa alyp otyrǵan bul baǵyttaǵy jumystar óz jemisin beretinine bek senimdimiz.
Aqylbai JAQYPBEKOV, Sairam aýdandyq ishki saiasat bóliminiń basshysy.
