Astanadaǵy Qalamgerler alleiasynda bolǵan oqiǵa áleýmettik jelide qyzý talqylanyp jatyr. Jýrnalist, qoǵam belsendisi Dúisenáli Álimaqyn óziniń Facebook paraqshasynda boijetkenderdiń eskertkish ústine minip otyrǵan videosyn jariialady, dep habarlaidy ult.kz.
Onyń jazýynsha, oqiǵa kezinde ol alleiada demalyp otyrǵan. Sol sátte birneshe qyzdyń tarihi tulǵalardyń eskertkishine shyǵyp alǵanyn kórip, eskertý jasaǵan.
«Qalamgerler alleiasynda demalyp otyr edim. Kenetten mynadai keleńsiz iske kýáger boldym. Ashý qysyp qasyna jetip baryp “bul tulǵalardyń kim ekenin bilesińder me?” desem, kózderi adyraiyp, “Chto, chto” deýden ary aspady. Sózime dálel retinde olardyń bul topastyǵyn videoǵa túsirip aldym. Esh uialý, keshirim suraý joq. Bul basyný ma álde nadandyq pa?» – dep jazdy ol.
Jeli qoldanýshylarynyń bir bóligi mundai áreketti mádenietsizdik pen tarihi tulǵalarǵa qurmetsizdik dep baǵalasa, endi biri jastardyń tárbiesi men qoǵamdyq sana máselesin kóterdi.
Aita keteiik, Qalamgerler alleiasy – qazaq ádebieti men rýhaniiatyna eńbek sińirgen qalamgerlerge arnalǵan mańyzdy mádeni oryndardyń biri.
