Foto: instagram.com/ramantay
Akter Ramazan Amantai prodiýser retinde óziniń jańa jobasyn jaryqqa shyǵardy. Kinotýyndy qandastar máselesin qozǵaidy. Prodiýser bul jobasyna qansha qarjy jumsady? Massaget.kz materialyna silteme jasap, Ult.kz habarlaidy.
"Bul taqyryp baiaǵydan júregime batatyn"
Film Qazaqstanǵa kelgen qandastar máselesin qozǵaidy. Kórshi elden atamekenge oralǵan qandastarymyzdyń elge sińip ketýi jaily qozǵalatyn taqyryp, eldi birlikke shaqyrady. Ramaz Amantai nelikten filmdi osyndai taqyrypta túsirgenin aitty.
"Filmdi osyndai taqyrypta túsirý meniń ideiam boldy. Men bul máseleni shyny kerek baiaǵydan, mektep qabyrǵasynan túsirgim keletin. Ýniversitet qabyrǵasynda da osyǵan uqsas kóz aldymda birneshe oqiǵa boldy. Osy taqyryp únemi túrpidei tietin, júregimdi qynjyltatyn. Adamdy bólip jarý, "sen myna elden keldiń, sen myna jaqtan keldiń" dep mineý durys emes. Bul týyndy búkil qazaqqa arnalǵan týyndy" deidi ol.
Jumsalǵan qarjy kólemi qansha?
Film byltyr kóktemde túsirilgen. Óziniń jaryqqa shyǵýyn uzaq kútken týyndy deidi Ramazan Amantai.
"Shamalap aitsaq pochti 200 milliondai qarajat ketti. Kórgen adam birden arzanǵa shyqpaǵan film ekenin túsinedi. Marketingtiń, jarnamanyń ózine 20 milliondai qarjy jumsaldy" dedi prodiýser.
Al filmdegi akterlerdiń ishinde eń qymbaty - Nurgúl Myńǵatova. Ramazan Amantai aktrisanyń ónerine tánti ekenin aityp, onyń eń qymbatqa shyqqan aktrisa ekenin aitty.
"Eń qymbat aktrisa – Nurgúl Myńǵatova hanym. Bul kisi endi teńdesiz aktrisa ǵoi. Naqty qansha bergenimdi aita almaimyn. Odan keiin qazaq arýy Adelina da birshama qarajat aldy. Qalǵanynyń bári dostarym. Eń az alǵan ózim. Múldem eshteńe almadym men" dep kúldi prodiýser.
Ramazan Amantai – qazaqstandyq akter, kompozitor, ánshi jáne aqyn. Ol 1998 jyldyń 28 jeltoqsanynda Almaty qalasynda dúniege kelgen. 2010 jyly akterlik karerasyn "Ainalaiyn" telehikaiasynda Arman rólin somdaýdan bastady. Kópshilikke "Biznes po-kazahski" filmder seriiasyndaǵy Erkosh róli arqyly tanyldy.
