Foto: aqiqat.kazgazeta.kz
AMANAT partiiasy fraktsiiasynyń depýtattary «Ǵylym Ordasynyń» quramyna engen Ortalyq ǵylymi kitaphana, Qazaqstan ǵylymy tarihy mýzeii, arheologiia jáne tabiǵat mýzeileri, sondai-aq ǵylymi arhiviniń áleýmettik suraqtary týraly másele kóterip, depýtattyq saýal joldady, dep habarlaidy Ult.kz.
QR Premer-ministriniń orynbasary Tamara Dúisenovaǵa joldanǵan saýalda keler urpaqqa amanat etiletin baǵa jetpes mádeni jáne tarihi muranyń, ult jadynyń saqtaýshylary qazirgi tańda zamanaýi talaptarǵa sai tehnikalyq bazanyń joqtyǵy, bilikti kadrlardyń tapshylyǵy men tómen jalaqy sekildi suraqtarǵa tap bolýda ekeni aitylady.
Ortalyq ǵylymi kitaphana
Kitap qory – 5,8 million biregei basylymdy quraidy, onyń ishinde XV-XVIII ǵasyrlarǵa jatatyn 20 myń dana qoljazba, 100-den astam tildegi 900 myń ǵylymi basylym bar.
"Bul – eldiń ziiatkerlik qazynasy" dep esepteitin depýtat Juldyz Súleimenovanyń aitýynsha ǵimarattaǵy aýa baptaý júiesi jumys jasamaidy, qysta sýyq, jazda ystyq, ylǵaldylyq deńgeii rettelmeidi. Nátijesinde, tarihi mańyzy zor kitaptar úgitilip, túpteri ajyrap, joǵalyp barady.
"Mundai qazynany saqtap, ony zertteý úshin bilikti mamandar qajet. Kitaphana shtatynda 40 qyzmetkerdiń 20 jyldyq tájiribesi bar kitaphanashylar 100 myń teńge jalaqy alady. Eldegi kitaphanashylardyń jalaqysy kezeń-kezeńimen ósip keledi, alaida Ortalyq ǵylymi kitaphana «Ǵylym ordasy» qaramaǵynda bolǵandyqtan, bul mekemeniń qyzmetkerlerine basqa kitaphanalardaǵy jalaǵynyń ósýi taralmaidy", -dedi depýtat.
Ǵylymi arhiv
Arhiv Qazaqstan tarihynyń jazba muralary saqtalatyn ulttyq mańyzy bar qor. Biraq bul mekeme de tiisti deńgeide qorǵalmaǵan dep otyr depýtat Súleimenova. Olnyń sózinshe bilikti mamandardyń jetispeýi men olardyń tómen jalaqysy saldarynan qundy tarihi qujattardy tsifrlandyrý tejelip otyr.
"Qazaqstan ǵylymy tarihy mýzeii, Kúrdeli jóndeýden keiin ekspozitsiiany qaita qurýǵa qarajat bólinbegen. Zamanaýi jabdyqtardyń, tsifrlyq tehnologiialardyń joqtyǵy mýzei qyzmetiniń sapasyn tómendetip, kelýshiler sanyn azaitýda.
Qyzmetkerlerdiń tómen jalaqysy kásibi mamandardyń jumystan ketýine ákelip, mýzeidi tolyqqandy ǵylymi-aǵartýshylyq mekeme retinde damytýǵa múmkindik bolmai tur", -deidi ol.
Depýtattardyń usynystary:
1. «Ǵylym ordasy» kesheniniń saqtalýyn qamtamasyz etý jáne onyń odan ári turaqty qyzmetin damytý maqsatynda Úkimet arnaiy jol kartasyn ázirlesin. Bul jol kartasyna ǵylymi arhiv, mýzei jáne kitaphananyń statýsy ǵylymi mekeme retinde bekitilip, ǵimarattarynyń infraqurylymyn jańǵyrtý, materialdyq-tehnikalyq bazasyn nyǵaitý jáne olardyń turaqty jumys isteýin qamtamasyz etý boiynsha naqty sharalar engizilsin.
2. «Ǵylym ordasy» quramyna enetin Ǵylymi kitaphana, Ǵylymi arhiv jáne Ǵylymi murajai qyzmetkerleriniń eńbegi ǵylymi qyzmet retinde tanylsyn. Osyǵan sáikes, olardyń jalaqysy, áleýmettik kepildikteri men eńbek jaǵdailary ǵylymi qyzmetkerlerge qoiylatyn talaptarǵa sai qarastyrylyp, tiisti qoldaý sharalary júzege asyrylsyn. Sonymen qatar, qyzmetkerlerdiń áleýmettik jaǵdaiyn jaqsartý maqsatynda saýyqtyrý járdemaqysy men basqa da áleýmettik tólemder júieli túrde qarastyrylyp, olardyń turaqty damýy men kásibi ósýine qajetti jaǵdailar jasalsyn.
3. «Ǵylym ordasy» quramyna enetin Ǵylymi arhiv pen Ortalyq ǵylymi kitaphananyń qujattary zamanaýi talaptarǵa sai tolyq tsifrlandyrylyp, ǵylymi muraǵattardyń qoljetimdiligi men saqtalýyn qamtamasyz etý boiynsha keshendi sharalar júzege asyrylsyn.
"Kóterilgen máseleler tek mádeniet pen ǵylym salasynyń problemasy emes – bul elimizdiń intellektýaldy murasyn saqtap qalý máselesi. Bul máselelerdi keiinge qaldyrýǵa bolmaidy!" -dep Juldyz Súleimenova Tamara Dúisenovadan jedel jáne naqty sheshimder qabyldaýdy surady.
