Foto: baq.kz
Qazaqstan Respýblikasy Parlamenti Májilisiniń Depýtaty Ekaterina Smoliakova Premer-ministr Oljas Bektenovke depýtattyq saýal joldap, Qazaqstan týrizmindegi tarihi-mádeni nysandardyń mártebesi týraly másele kóterdi. Bul týraly Ult.kz habarlaidy.
Óz sózinde depýtat eldegi týristik oryndarǵa baratyn azamattardyń qylyqtaryna qynjylys bildirip, shaǵymdandy.
"«Joshyhan», «Alashahan», Mańǵystaýdaǵy kieli 362 áýlie, Qońyr áýlie, jerasty meshit syndy qasietti tarihi-mádeni oryndar men tabiǵi nysandarda demalýshylar tarapynan qoqys tastap ketý, ashyq-shashyq júrý - keleńsiz jaǵdailar týǵyzýda. «Óz ózińdi syilamasań, jat janynan túńiler» deidi halyq danalyǵy. Týrizmdi damytqan kúnniń ózinde tarihi, mádeni bailyǵymyzdy kózdiń qarashyǵyndai saqtap qalýymyz kerek. Mysaly, jýyrda Ulytaý ulttyq parkinde «Áýlie taýdaǵy» jeti áýliege qoiylǵan tańbaly tastardy belgisiz bireýler qiratyp ketken. Bul – ulttyq qundylyqqa jasalǵan qiianat", - dedi ol.
Depýtat nysandarda tártipti qadaǵalaý úshin «Tsifrlyq Qazaqstan» kontseptsiiasy aiasynda «Starlink» júiesin qoldana otyryp beinebaqylaý kameralaryn ornatyp, týristik politsiiaǵa jáne Ulttyq saiabaq qyzmetkerlerine dron arqyly baqylaý múmkindigin jasaýymyz qajet dep esepteidi.
"Ol úshin týristik aimaqtardaǵy joldardy «Almaty - Qonaev» trassasy úlgisindegidei etip aqyly jol jasap, túsken qarajatty sol nysannyń damýyna jumsaý qajet. Týristerdiń qorshaǵan ortaǵa qurmetin, demalý mádenietin qalyptastyrý bizdiń ortaq mindetimiz", - deidi Smoliakova.
Sonymen qatar májilismen erekshe tabiǵi qundylyǵy bar nysandardy memleket qorǵaýyna alýdy usyndy:
1. Ulytaý oblysy Aqjar jotalaryndaǵy erekshe kózdiń jaýyn alatyn, qyzyl tústi «Sań» taýlaryn jáne Keiki batyr úńgirin ulttyq mańyzy bar tabiǵi eskertkish retinde memlekettiń qorǵaýyna alyp, olardy Ulytaý oblysyndaǵy Ulttyq tabiǵi park aimaǵyna engizý.
2. Mańǵystaý oblysyndaǵy erekshe tabiǵi qubylystardan paida bolǵan «Torysh» alqabyn memlekettik qorǵaýyna alý kerek. Óitkeni keibir azamattar oiyna kelgenin istep, shar tárizdi tastardy jeke menshik úi, qonaqúilerdiń aldyna ornalastyryp úlken keri áserin tigizýde.
