Bilim jáne ǵylym ministri Ashat Aimaǵambetov tarih pánin oqytýda qandai ózgerister bolatynyn túsindirdi, - dep habarlaidy Tengrinews.kz.
Petropavlda tarih páni muǵalimderiniń sezi ótti. Sezge 300-den astam tarih pániniń muǵalimi, tarihshy, ádisker, ǵylymi-zertteý institýttary men birqatar joǵary oqý ornynyń basshylary qatysqan.
"Sezge qatysýshylar úlgilik oqý baǵdarlamalary men oqýlyqtardyń mazmunyn jetildirý, sonymen qatar oqýshylardyń oqý jetistikterin baǵalaý, joǵary oqý oryndarynda tarih páni muǵalimderin daiarlaý jáne muǵalimderdiń biliktiligin arttyrý máselelerin jan-jaqty talqylady", - dedi ministr.
Bilim jáne ǵylym ministri naqty qabyldanǵan sheshimderge toqtaldy:
- Qazaqstan tarihy men Dúniejúzi tarihy oqýlyqtary endi elimizdiń barlyq mektebi úshin biryńǵai jáne bazalyq bolady.
- Joǵary oqý oryndarynda qazirgi "Qazaqstannyń qazirgi zamanǵy tarihynyń" ornyna "Qazaqstan tarihy" páni oqytylady, iaǵni baǵdarlama tarihtyń basqa da kezeńderin, dálirek aitqanda, ejelgi, orta ǵasyrlar jáne jańa zamandy qamtidy.
- Endi ǵylymi baǵytta bilim alǵan tarihshylar qaita daiarlaý kýrstarynan ótip, keiin mektepte sabaq bere alady.
- Baǵalaý boiynsha ózgerister engiziledi. Qorytyndy attestattaý burynǵydai jazbasha ǵana emes, aýyzsha jáne jazbasha túrde ótkiziledi. Jiyntyq baǵalaý muǵalimniń qalaýy boiynsha aýyzsha nemese jazbasha túrde júrgizilýi múmkin.
- Petropavlda Álkei Marǵulan atyndaǵy Arheologiia institýty, Shoqan Ýálihanov atyndaǵy Tarih jáne etnologiia institýty siiaqty ǴZI filialdary ashylyp jatyr. Bul institýttar osy óńirlerde aýqymdy arheologiialyq zertteýler uiymdastyratyn bolady.
Sondai-aq, sezge qatysqan tarihshylar birneshe usynystardy kótergeni aityldy.
