Retteletin qyzmetterge belgilenetin tarifter nelikten sharyqtap ketti jáne olardyń ósýi jyldyq infliatsiiaǵa qalai áser etti? QR UB Aqsha-kredit saiasaty departamenti direktorynyń orynbasary Denis Cherniavskii osy suraqqa jaýap berdi, dep habarlaidy QazAqparat.
«Tutyný baǵasynyń indeksin qalyptastyrý kezinde retteletin kommýnaldyq qyzmetter (sýmen jabdyqtaý jáne sý tartý júiesi, gazben jabdyqtaý, elektrmen jabdyqtaý, jylýmen jabdyqtaý) aitarlyqtai eleýli ról atqarady. 2021 jyly tutyný sebeti qurylymyndaǵy olardyń úlesi 6% boldy. Tiisinshe, tarif dinamikasy infliatsiiaǵa tikelei áser etedi, iaǵni, janama túrde – óndirilgen taýarlar men qyzmetter qunynyń ósýi arqyly yqpal etedi.
2018-2019 jyldary Qazaqstanda sol ýaqytqa deiin uzaq merzimdi tariftik josparlarǵa engizilmegen kommýnaldyq qyzmetterdiń tarifi edáýir tómendetilgen bolatyn. Bul jalpy infliatsiiaǵa deinfliatsiialyq turǵyda áser etken qyzmetterge baǵanyń tarihi azdap ósýine múmkindik berdi.
Alaida retteletin qyzmetter baǵasynyń bir sáttik tómendeýi jáne olardy tómen deńgeide saqtaý – keiinge qaldyrylǵan infliatsiia qaýpin týdyrýǵa, iaǵni, orta merzimdi perspektivada tarifterdiń jii ári oqystan ósýine jol beredi.
Qazirgi tańda biz tarif belgileýde teńgerimsiz saiasattyń saldaryn sezinip otyrmyz. Turaqty infliatsiia men qolaily ekonomikalyq koniýnktýra kezinde retteletin qyzmetterdiń tarifin ákimshilendire tómendetýdiń arqasynda tabiǵi monopolisterdiń kirisi tómendedi.
Bunyń izin ala retteýshi memlekettik organdar shekti tarifterdi arttyrýǵa májbúr boldy. Biyl qarasha aiynda tarifter jyldyq esepte 3,1%-ǵa ósti, eń kóp óskeni – elektr qýaty tarifi (8,6%) men gaz tarifi (5,5%)» dep atap ótti Denis Cherniavskii.
Onyń sózine qaraǵanda, sh ekti tarifterdiń bir mezette aitarlyqtai qymbattaýy onyń aldynda alynbai qalǵan kiristi eseptegende, ekonomikada aitarlyqtai infliatsiialyq qysym jasap, qubylmaly infliatsiiany arttyrady.
Solai bola tura, koronadaǵdarys, sonyń ishinde, jahandyq infliatsiia men teńgegiń álsireýi saldarynan jaǵdai odan saiyn qiyndai túsedi.
«Óz kezeginde, tarifterdiń ósimin keiinge shegerý arakidik infliatsiiany shekti bekitilgen dálizge sai turaqty infliatsiia qalyptastyrýǵa kedergi jasap, Ulttyq Bank júrgizip otyrǵan saiasattyń tiimdiligin tómendetedi. Bul mańyzdy másele 2030 jylǵa deiingi Aqsha-kredit saiasatynyń strategiiasy aiasynda qozǵalǵan. Ulttyq Bank negizgi qarajatty jańartyp, baǵalardyń bir mezette qymbattaýynan bolatyn jaǵymsyz saldardy barynsha azaitý úshin tabiǵi monopoliialardyń tarifine shekti jyldyq ósim ornatý jón bolady dep sanaidy. Qyzmetterdiń baǵasy baiaý ári boljamǵa sáikes ósse, ol infliatsiialyq boljamdardy azaityp, jalpy infliatsiia deńgeiin kidirtýge múmkindik beredi» dep túiindedi spiker.
