Taraz qalasyndaǵy ortalyq stadionǵa Balýan Sholaqtyń esimin berý jáne eskertkishin ornatý týraly usynystar boiynsha zerdeleý jumystary júrip jatyr,- dep habarlaidy "Ult aqparat".
Oblys ákimi Berdibek Saparbaev Taraz qalasyn kezekti ret aralaý barysynda shahardaǵy ortalyq stadion janyndaǵy skverge arnaiy at basyn burdy. Mundaǵy Abai men Súleimenov kósheleriniń qiylysynan ortalyq stadionǵa deiin aparatyn jaiaý júrginshiler alleiasyn keńeitý qajettigine nazar aýdaryldy. Istemei turǵan sýburqaqtarǵa qatysty usynystar qaralmaq. Taraz jurtshylyǵynan ortalyq stadionǵa aty ańyzǵa ainalǵan balýan, halyq aqyny jáne kompozitor Balýan Sholaqtyń esimin berý jáne tarihi tulǵa eskertkishin «Taraz-Arena» sport saraiynyń aldynan oblystyń bas stadionyna kóshirý týraly usynystar túsken. Qazirgi tańda osy usynystar boiyn zerdeleý jumystary júrgizilýde.
Búginde jambyldyqtardyń 32 paiyzy buqaralyq sportpen shuǵyldanady desek, aǵymdaǵy jyl sońyna deiin bul kórsetkishti 35 paiyzǵa deiin jetkizý kózdelýde.
«Biz atqarýshy organdar jumysynyń tiimdiligin baǵalaýdyń qosymsha indikatoryn engizýdi josparlap otyrmyz. Bul sporttyq nysandardyń, onyń ishinde mektep sport zaldarynyń júktelý deńgeiine qatysty», - dedi Berdibek Saparbaev.
Budan soń aimaq basshysy qaladaǵy birqatar bilim oshaqtarynyń qurylystarymen tanysty. Atap aitsaq, oblys ákimi №4, №16 jáne №2 orta mektepterge baryp, olardyń qurylysynyń jai-kúiin barlady.
