Kúni keshe Tarazdaǵy "Atletik" sport kesheninde namaz oqyp turǵan shákirtterin bólmeden qýyp shyǵyp, jainamazdy tepken sport jattyqtyrýshysy kópshilikten keshirim surady.
Este bolsa, keshe Facebook áleýmettik jelisinde bapkerdiń shákirtterin urysyp-balaǵattap, olardyń namaz oqýlaryna kedergi keltirgen videorolik taraǵan bolatyn. Artynsha bul oqiǵanyń Jambyl oblysynda bolǵany anyqtaldy. Keiin oblystyq sport basqarmasynyń basshysy ustazdyń qyzmetten qýylǵanyn málimdedi.
Búgin jattyqtyrýshy Almat Baevtov óziniń kináli ekenin aityp, kópshilikten keshirim surady. Al, Jambyl oblystyq Ishki saiasat basqarmasynyń basshysy Berik Ýáliuly bapkerdiń áreketi zań aiasynda taǵy qaralatynyn aityp otyr.
