Taraz qalasynda jasóspirimder TikTok jelisindegi video úshin bir-birine pyshaq ala júgirgen, dep habarlaidy "Ult aqparat" Polisia.kz portalyna silteme jasap.
15 tamyz kúni 15 jáne 17 jastaǵy jasóspirimder arasynda janjal týyndaǵan. Politsiia qyzmetkerleriniń anyqtaýy boiynsha, janjalǵa jigit pen qyz birlesip túsken rolik sebep bolyp, ony janjal shyǵarýshy qyzǵanǵan.
Úshinshi jasóspirim tanystardy ajyratpaq bolǵan kezde pyshaqtan jaraqat alǵan. Ol oblystyq balalar aýrýhanasyna jetkizildi.
Zardap shekken jigittiń aitýynsha, oǵan pyshaq jaraqatyn salǵan janjaldy bastaǵan jasóspirim eken. Ol istegen áreketi úshin jaýapkershilikten jaltaryp, izin sýytqan.
Taraz qalasynyń politsiia basqarmasy QR QK 293-baby 3-tarmaǵy «Buzaqylyq» boiynsha qylmystyq is qozǵady.
Qazirgi ýaqytta jedel-tergeý toby ustalǵan 15 jasar Taraz turǵynyna qatysty qajetti sharalardy júrgizip jatyr. Oqiǵanyń jai-japsary belgili bolǵannan keiin bultartpaý sharasy anyqtalady.
