© elements.envato.com
Tarazda áiel azamattyq nekedegi kúieýin pyshaqtap óltirgen. Dárigerler 47 jastaǵy er adamnyń ómiri úshin bir táýlikke jýyq kúresken, biraq ony qutqara almaǵan, - dep habarlaidy Tengrinews.kz agenttigi "KTK" telearnasyna silteme jasap.
Dárigerler qaladaǵy jatyn aýdandardyń birinde bolǵan oqiǵa týraly birinshi bolyp bilgen. Pyshaq jaraqatyn alyp, qan-josa bolyp jatqan er adam jedel járdemmen dereý jansaqtaý bólimine jetkizilgen. Ol sol kezde es-tússiz bolǵan.
Politseiler qylmyskerdi tapqan. Ol 43 jastaǵy áiel bolyp shyqqan. Ol bárin moiyndaǵan. Biraq qylmystyń anyq-qanyǵy áli ashylmaǵan.
"Ol ýaqytsha ustaý izoliatoryna qamaldy. Búginde osy derek boiynsha QR Qylmystyq kodeksiniń 99-baby 1-bóligi boiynsha sotaldy tergeý júrgizilip jatyr", - dedi Jambyl oblysy PD baspasóz qyzmetiniń jetekshisi Gúlsara Muhtarqulova.
