Instagram áleýmettik jelisinde qoldanýshylar Tarazda túsirilgen beinerolikti talqylaýda. Kadrlarda aspanda ushyp ótken ushaqtan qalǵan aq iz kórinedi. Avtordyń aitýynsha, bul - adamdardy «ýlaityn» himikattar shashýdyń dáleli. Bul - jalǵan, dep habarlaidy Stopfake.kz saity.
Jambyl oblysynyń ákimdigi himiialyq zattardy aýaǵa shashý týraly aqparatty joqqa shyǵardy.
– Jambyl oblysy sanitarlyq-epidemiologiialyq baqylaý departamentiniń málimeti boiynsha, Tarazda dezinfektsiialaý nemese aspannan qandai da bir zattardy shashý arqyly óńdeý júrgizilip jatqan joq. Dezinfektsiialyq is-sharalar arnaiy mekemelermen ruqsat etilgen preparattarmen jer ústi avtokóligimen júzege asyrylady, – dep habarlady vedomstvodan.
Demek, videoǵa túsirilgen aspandaǵy aq iz kondensatsiialyq iz bolyp tabylady. Olar ushaq sýyq jáne ylǵaldy aýa massalarynan ótken kezde paida bolady.
Kondensatsiialyq izder ártúrli pishinde bolýy múmkin jáne ártúrli ýaqyt aralyǵynda kórinedi.
Ushaqtardan ý men basqa da himiialyq zattar shashý kospirologiialyq teoriia bolyp tabylady. Biz ony rastaityn eshqandai dálelder joq ekenin aityp, birneshe ret joqqa shyǵardyq.
Sonymen qatar, bul teoriiany jaqtaýshylardyń ózderi ushaqtardyń ne shashatyny boiynsha ortaq pikirge kelmei otyr. Olardyń keibireýleri áýe kemeleri adam qanyn tastaidy, al basqalary adamdarǵa grafen oksidin shashady dep málimdeidi. Basqa teoriialar boiynsha, ushaqtar virýstar, fosgen jáne basqa da qaýipti himikattar tasymaldaidy.
Osylaisha, videoda aspannan qalaǵa qaýipti zattar shashýdyń dáleli emes, ushaqtyń kondensatsiialyq izi kórsetilgen.
