21 naýryz kúni Taraz qalasyndaǵy Q.Rysqulbekov atyndaǵy saiabaqta «Shattyq kúni!» atty merekelik kesh ótti.
«Jastar resýrstyq ortalyǵy» mekemesi jáne Jambyl oblysy «Qazaqstan stýdentteriniń Aliansy» Respýblikalyq stýdenttik qozǵalysynyń uiymdastyrýymen ótken keshtiń maqsaty - «Qazaqstan 2020: bolashaqqa jol» Qazaqstan Respýblikasynyń memlekettik jastar saiasatynyń 2020 jylǵa deiingi tujyrymdamasyn iske asyrý, «22 naýryz – Ulystyń Uly kúni» merekesine orai Qazaqstan halyqtarynyń mádenietin jaqyndastyryp, jalpy mádeni qundylyqtardy jáne ulttyq kelisimdi qalyptastyrý, halqymyzdyń salt-dástúrin boilaryna darytý.
Is-shara jarapazan aitýshy balamen bastaý alsa, Qydyr atanyń kópshilikke arnaǵan aq batasymen jalǵasyp, qazaqtyń salt-dástúrleri men ádet-ǵuryptaryna bailanysty «Bastaý» dástúrin Taraz innovatsiialyq-gýmanitarlyq ýniversitetiniń stýdentteri kórsetip, salt-dástúrge bailanysty viktorinalyq suraqtar qoiylyp, «Baýyrsaq batl», «Naýryz kóje batl» uiymdastyrylyp, jeńimpazdar arnaiy syilyqtarmen marapattalyp, shara merekelik baǵdarlamamen jalǵasyn tapty.
Is-shara barysynda sporttyq – oiyn-saýyq is-sharalary qatar ótkizildi. Sporttyq oiyndar «Gir tasyn kóterý» boiynsha jáne «Asyq atý», «Shekemtas», «Láńgi», «Arqan tartys» siiaqty ulttyq sport túrlerinen saiystar ótkizildi.
Atalǵan oiyndardyń qorytyndysy boiynsha «Gir tasyn kóterý» oiyny boiynsha I oryn E.Ýmankýlov, II oryn Sh.Mamaev, III oryn S.Shalibai, «Asyq atý» boiynsha I oryn A.Qurbanov, II oryn B.Temirhan, III oryn A.Mahanov, «Láńgi» oiyny boiynsha I oryn K.Qokanbaev, II oryn A.Biǵaziev, III oryn A.Orynbaev, «Shekemtas» oiyny boiynsha I oryndy D.Qasymbekova, «Arqan tartys» oiyny boiynsha I oryn «Ulan» komandasy, II oryn «Qyran» komandasy, III oryn «JPK» komandalary ielenip, qatysýshylarǵa arnaiy syilyqtar tabys etildi. Is-shara sońynda jinalǵan kópshilikke ulttyq taǵamymyz «Naýryz kóje» taratyldy.
Is-sharaǵa barlyǵy 300-ge jýyq adam qatysty.
