Tarazda politseiler esirtkini jasyryn qoiyp ketýshini qolǵa túsirdi, – dep habarlaidy Polisia.kz.
Jambyl oblysy PD esirtki qylmysyna qarsy is-qimyl basqarmasynyń qyzmetkerleri jedel-izdestirý is-sharalaryn júrgizý barysynda 22 jastaǵy er adamdy Taraz qalasynda esirtki zattaryn jasyryn qoiyp ketý kezinde ustady. Kúdiktini jeke tintý kezinde jalpy salmaǵy 14,13 gramm bolatyn untaq tárizdi zat salynǵan 30 orama tárkilendi.
Sonymen qatar onyń turǵylyqty mekenjaiy boiynsha sanktsiialanǵan tintý barysynda salmaǵy 926,827 gramm bolatyn untaq tárizdi zat tabyldy. Saraptama qorytyndysyna sáikes, tárkilengen zat sintetikalyq esirtki quraly – alfa-PVP bolyp shyqty. Jalpy salmaǵy 940 gramm 957 milligramdy qurady.
Atalǵan derekke qatysty QR Qylmystyq kodeksiniń 297-baby 3-bóligi – "Esirtki quraldaryn, psihotroptyq zattardy nemese olardyń analogtaryn asa iri mólsherde zańsyz satyp alý, saqtaý, satý maqsatynda tasymaldaý, jóneltý ne ótkizý" boiynsha sotqa deiingi tergep-tekserý bastaldy. Kúdikti ýaqytsha ustaý izoliatoryna qamaldy. Qazirgi ýaqytta osy qylmysqa qatysy bar ózge de tulǵalardy anyqtaýǵa baǵyttalǵan qajetti jedel-tergeý is-sharalary júrgizilýde.
