Tarazda zańsyz shot-faktýralar jazyp berýmen ainalysyp kelgen qylmystyq top quryqtaldy, dep habarlaidy "Ult aqparat".
QR Qarjy ministrligi Qarjy monitoringi komitetiniń Jambyl oblysy boiynsha Ekonomikalyq tergeý departamentiniń qyzmetkerleri júrgizgen jedel-izdestirý is-sharalarynyń nátijesinde 2009-2020 jyldar aralyǵynda Taraz qalasynyń aýmaǵynda jalǵan shot-faktýra jazyp berý ainalysqan uiymdasqan qylmystyq toptyń áreketin áshkereledi.
Olar shot-faktýralardy tiisti qyzmet atqarylmasa da, kerek taýar jetkizilmese de, qujattardy rásimdei bergen.
Tergeý barysynda 10 adamnan, sondai-aq baqylaýdaǵy zańdy tulǵalardyń basshysy retinde tikelei tirkelgen qatysýshylardan quralǵan qylmystyq top kontragentter-satyp alýshylardy izdeýdi, ekinshi deńgeili bankterde qarajatty qolma-qol aqshaǵa ainaldyrýdy jáne t.b. júzege asyrǵan.
«Qylmystyq is-áreket nátijesinde memleketke keltirilgen zalal mólsheri 10 mlrd. teńgeni qurady. Tárkileýdi qamtamasyz etý maqsatynda baqylanatyn kásiporyndardyń jalpy somasy 1 milliardtan astam teńge qarajattaryna tyiym salyndy. Qazirgi ýaqytta qylmystyq is óndirispen aiaqtalyp, sotqa jiberildi», - delingen habarlamada.
