Búgin Taraz qalasynda koronavirýs infektsiiasyn juqtyrǵan tórt adam anyqtaldy, dep habarlaidy Memlekettik komissiianyń shuǵyl shtaby.
Tórteýi de ózderine deiin virýsty juqtyrǵan adamdarmen bailanysta bolǵan. Karantindik statsionarǵa jatqyzylǵan kezde PTR zertteýge alynǵan analiz nátijesi olardyń koronavirýsty juqtyrǵanyn kórsetti.
Naýqastar juqpaly aýrýlar statsionaryna jatqyzyldy. Olarmen bailanysta bolǵan adamdardy, virýsty juqtyrý jaǵdaiyn anyqtaý jumystary júrgizilip jatyr. Aýrý oshaqtarynda epidemiiaǵa qarsy sharalar júrgizildi.
Óńirde 65 adamnyń koronavirýsty juqtyrǵany tirkelgen, olardyń ishinde: Taraz q. ‒ 15, Baizaq aýdany ‒ 3, Jambyl aýdany ‒ 4, Qordai aýdany ‒ 33, Merki aýdany ‒ 2, Moiynqum jáne Shý aýdandarynda bir-bir adamnan anyqtalǵan. Deli ‒ Taraz reisiniń jolaýshylarynyń qatarynan ‒ 6 adam.
21 sáýirdegi jaǵdai boiynsha 11 adam saýyǵyp shyqqan jáne qazirgi tańda dárigerlerdiń baqylaýynda úi karantini rejimin saqtap otyr.
Juqpaly aýrýlar statsionarynda 50 adam emdelip jatyr.
