Jambyl oblysy Politsiia departamentiniń uiymdastyrýymen Halyq qaharmany Ǵ.Baitasovty eske alý kúnine arnalǵan saltanatty is-shara ótti, dep habarlaidy "Ult aqparat".
Is-sharaǵa Jambyl oblysy Politsiia departamentiniń basshylyǵy, Ǵ.Baitasovtyń týystary, Jambyl oblysy memlekettik organdarynyń ókilderi, ishki ister organdarynyń ardagerleri qatysty. Saltanatty miting Halyq qaharmany Ǵaziz Baitasovtyń eskertkishine gúl shoqtaryn qoiýmen bastaldy. Saltanatty gúl shoqtaryn qoiý rásiminen keiin batyrdy bir minýt únsizdikpen eske alyp, úsh dúrkin saltanatty saliýt atyldy.
«Halyq qaharmany, ishki ister organdarynyń úzdik qyzmetkerleriniń biri – IID jol politsiiasy jeke batalonynyń 1-shi vzvodynyń komandiri, politsiia kapitany bolǵan Ǵaziz Baitasovtyń qaza bolǵanyna biyl 9 jyl tolyp otyr. Az ǵana ǵumyrynda asqan erligimen Otanǵa, týǵan jerge degen súiispenshiliktiń biik ólshemin kórsetken qaharman áriptesimizdiń erligi óskeleń urpaqqa úlgi ekeni daýsyz. Tek naǵyz patriot óziniń ómirin qurbanddyqa tige otyryp, shynaiy erlikke bara alady. Osyndai adamdardyń qatarynda terroristiń qolynan qaza tapqan jambyldyq politseiler de boldy. Elimiz óziniń erjúrek uldaryn eshqashan umytpaq emes», – dedi Jambyl oblysynyń PD bastyǵy Janat Súleimenov.
Óz kezeginde Ǵaziz Baitasovtyń jubaiy Gúljamal Tájieva Jambyl oblysynyń PD basshylyǵy men jeke quramyna otbasyna jasaǵan qamqorlyǵy úshin alǵysyn bildirdi.
Eske alý is-sharasy Oblystyq tarihi-ólketaný mýzeiinde halyq qaharmany Ǵ.Baitasovqa arnalǵan stendtiń ashylýyna ulasty. Onda Halyq Qaharmanynyń ómiri men erligine qatysty maǵlumattar jan-jaqty kórinis tapqan.
