جامبىل وبلىسى پوليتسييا دەپارتامەنتٸنٸڭ ۇيىمداستىرۋىمەن حالىق قاھارمانى ع.بايتاسوۆتى ەسكە الۋ كٷنٸنە ارنالعان سالتاناتتى ٸس-شارا ٶتتٸ, دەپ حابارلايدى "ۇلت اقپارات".
ٸس-شاراعا جامبىل وبلىسى پوليتسييا دەپارتامەنتٸنٸڭ باسشىلىعى, ع.بايتاسوۆتىڭ تۋىستارى, جامبىل وبلىسى مەملەكەتتٸك ورگاندارىنىڭ ٶكٸلدەرٸ, ٸشكٸ ٸستەر ورگاندارىنىڭ ارداگەرلەرٸ قاتىستى. سالتاناتتى ميتينگ حالىق قاھارمانى عازيز بايتاسوۆتىڭ ەسكەرتكٸشٸنە گٷل شوقتارىن قويۋمەن باستالدى. سالتاناتتى گٷل شوقتارىن قويۋ رەسٸمٸنەن كەيٸن باتىردى بٸر مينۋت ٷنسٸزدٸكپەن ەسكە الىپ, ٷش دٷركٸن سالتاناتتى ساليۋت اتىلدى.
«حالىق قاھارمانى, ٸشكٸ ٸستەر ورگاندارىنىڭ ٷزدٸك قىزمەتكەرلەرٸنٸڭ بٸرٸ – ٸٸد جول پوليتسيياسى جەكە باتالونىنىڭ 1-شٸ ۆزۆودىنىڭ كومانديرٸ, پوليتسييا كاپيتانى بولعان عازيز بايتاسوۆتىڭ قازا بولعانىنا بيىل 9 جىل تولىپ وتىر. از عانا عۇمىرىندا اسقان ەرلٸگٸمەن وتانعا, تۋعان جەرگە دەگەن سٷيٸسپەنشٸلٸكتٸڭ بيٸك ٶلشەمٸن كٶرسەتكەن قاھارمان ەرٸپتەسٸمٸزدٸڭ ەرلٸگٸ ٶسكەلەڭ ۇرپاققا ٷلگٸ ەكەنٸ داۋسىز. تەك ناعىز پاتريوت ٶزٸنٸڭ ٶمٸرٸن قۇربانددىقا تٸگە وتىرىپ, شىنايى ەرلٸككە بارا الادى. وسىنداي ادامداردىڭ قاتارىندا تەرروريستٸڭ قولىنان قازا تاپقان جامبىلدىق پوليتسەيلەر دە بولدى. ەلٸمٸز ٶزٸنٸڭ ەرجٷرەك ۇلدارىن ەشقاشان ۇمىتپاق ەمەس», – دەدٸ جامبىل وبلىسىنىڭ پد باستىعى جانات سٷلەيمەنوۆ.
ٶز كەزەگٸندە عازيز بايتاسوۆتىڭ جۇبايى گٷلجامال تەجيەۆا جامبىل وبلىسىنىڭ پد باسشىلىعى مەن جەكە قۇرامىنا وتباسىنا جاساعان قامقورلىعى ٷشٸن العىسىن بٸلدٸردٸ.
ەسكە الۋ ٸس-شاراسى وبلىستىق تاريحي-ٶلكەتانۋ مۋزەيٸندە حالىق قاھارمانى ع.بايتاسوۆقا ارنالعان ستەندتٸڭ اشىلۋىنا ۇلاستى. وندا حالىق قاھارمانىنىڭ ٶمٸرٸ مەن ەرلٸگٸنە قاتىستى ماعلۇماتتار جان-جاقتى كٶرٸنٸس تاپقان.
