"Qazfosfat" JShS Jambyl filialy qyzmetkerleri arasynda túsinbeýshilik týyndap, 200-ge jýyq adam narazylyq bildirýge shyqty. Oblystyq eńbek inspektsiiasy basqarmasy oqiǵaǵa qatysty resmi túsinikteme berdi, dep habarlaidy Sputnik Qazaqstan.
"Qazfosfat" JShS-ǵa qarasty tsifrlyq transformatsiia basqarmasynyń basshysy áriptesterine dóreki sóilegen. Sonyń saldarynan túsinbeýshilik týyndaǵan. Oblys ákiminiń birinshi orynbasary Nurjan Kalenderov, oblys ákiminiń orynbasary Qanatbek Mádibek, oblys prokýrorynyń orynbasary Nurbek Ulasbekuly jumysshylarmen kezdesip, túsindirý jumysyn júrgizdi", - dep jazylǵan eńbek inspektsiiasy basqarmasynyń baspasóz qyzmeti taratqan aqparatta.
Sonymen qatar, mekemedegiler basqarma basshysy áriptesterinen keshirim suraǵanyn jáne óz erkimen jumystan bosatylǵanyn habarlady.
Usynylǵan aqparatqa sáikes, búgin saǵat 11:40 shamasynda narazylyq bildirý úshin jinalǵan jumysshylar sany 200-ge jýyqtaǵan.
Qazirgi tańda zaýyttaǵy ahýal turaqty. Bul másele oblys ákiminiń tikelei baqylaýynda tur.
