Taraz qalasyndaǵy qatty daýyldyń saldarynan 18 kópqabatty turǵyn úidiń 16 mektep pen 4 balabaqshanyń shatyry ushyp ketken, dep habarlaidy QazAqparat.
Jambyl oblysy aýmaǵynda aǵymdaǵy jyldyń 17 qarashasynda 38 metr/sek jyldamdyqpen daýyldy jel soǵyp, Taraz qalasy boiynsha 18 kópqabatty turǵyn úidiń 5-200 sharshy metr jáne 16 mektep, 4 bóbekjai-baqshanyń 50-300 sharshy metr shatyrlary jáne 4 balabaqshanyń qorshaýy zaqymdalǵan. Bul týraly qala ákimdigi habarlady.
«Qala kóshelerinde 18 elektr baǵanasy qulasa, 1,5 shaqyrym elektr jelileri úzildi. Jylý berýshi kásiporyndardaǵy 5 kishi qazandyqta elektr jelileriniń zaqymdalýyna bailanysty, jylý berý ýaqytsha toqtatyldy.
Qala kóshelerinde 45-ten asa úlkendi-kishili taldar, 12 aialdama qulasa, 32 baǵdarsham isten shyqqan.
Qala boiynsha 34 bilbord, 9 pilonnyń bannerleri men 64 jalaýsha jyrtylyp, zaqymdaldy. Pilondardyń 2 dana konstrýktsiiasy men 4 bilbordtyn konstrýktsiialary kulady»,-delingen habarlamada.
Sonymen qatar Tastaq, Kirpish zaýyt, Qyzyl-Abad, Kóltoǵan alqaptarynda, Jeltoqsan-Qonaev kósheleriniń qiylysynda, Áiteke bi kóshesi №11 úidiń mańyndaǵy 6 sport alańshalarynyń qorshaýlary men tósendileri zaqymdalǵan.
Barlyq mektepterdegi oqýshylar saǵat 10.00-de úilerine qaitarylyp, oqý protsessi onlain júiege aýystyryldy.
Qala ákimdiginiń habarlaýynsha, qazirgi tańda qulaǵan aǵashtardy kesý jáne aýmaǵyn tazalaýǵa «Jasyl El-Taraz» JShS-men 6 brigada tartylyp, jumystar atqarylýda.
Elektr júielerin qalpyna keltirý jumystaryna «JES» JShS men Taraz qalalyq elektr júiesi tarapynan 21 brigada jumyldyrylyp, qaita qosý jumystary júrgizilýde.
Barlyq kommýnaldyq kásiporyndar men mekemeler kúsheitilgen rejimde jumys jasaýda.
Eske salaiyq, búgin Jambyl oblysynda qatty daýyl soǵyp, saldarynan Taraz qalasynda nysandardyń jartysynan kóbi elektr jaryǵynan ajyratyldy, elektr tasymaldaý jelileri isten shyqty, kóptegen ǵimarattyń shatyry julynyp, aǵashtar qulady, avtomobilder búlindi.
Daýyl saldarynan qazirgi ýaqytta birqatar aýdan jaryqsyz jáne kógildir otynsyz otyr.
Osy ýaqytqa deiin qarly boranda jolda qalyp qoiǵan 26 adam qutqaryldy.
Sondai-aq búgin Túrkistan oblysynda boran saldarynan 44 eldi meken jaryqsyz qalyp, joldar jabyldy.
Budan bólek, Shymkent qalasynda 23 baǵyt boiynsha elektr energiiasyn berý toqtatyldy. Mektepter onlain oqýǵa aýystyryldy.
