Jambyl oblysynda sanitarlyq talaptardy saqtamaǵan kásipkerlik nysandary, onyń ishinde toihanalar men kafeler jabylady, dep habarlaidy "Ult aqparat".
Taraz qalasynda 10-11 qazan kúnderi kúndizgi jáne túngi reid barysynda 49 nysan tekserilip, karantin talabyn buzǵandarǵa hattama toltyryldy. Olardyń qatarynda «Grand roial», «Ydyrys», «Sevinch», «Baq bereke» toihanalary da bar. Bul týraly qala ákimdiginiń baspasóz qyzeti habarlady.
«Meiramhanalar, túngi klýbtar jáne basqa da kásipkerlik mekemeler sanitariia talaptaryn qatań saqtaýy tiis. Eger de, eskertý jasalǵannan keiin qaitalap buzý jaǵdailary oryn alsa, kásipkerlik nysandaryn jabatyn bolamyz. Al, qala turǵyndary mindetti túrde maska rejimi men araqashyqtyqty ustaný kerek», - delingen habarlamada.
Sonymen qatar, oblys aýdandarynda da mobildik toptar kúndizgi reidte 100-den astam nysandardy aralap, túngi reidte 80-nen astam kásipkerlik obektilerdi tekserdi. Olardtsyń qatarynda meiramhanalar, kafeler men dúkender de bar.
