Tarazda IID-niń ishimdikke sylqiia toiǵan joǵary laýazymdy qyzmetkeri áriptesterin pyshaqtaǵan, - dep habarlaidy kaz.tengrinews.kz tilshisi QR IIM resmi ókili Almas Sádýbaevqa silteme jasap. Qazir ol izdeýde júr.
Vedomstvo málimetinshe, oqiǵa 10 tamyzda saǵat túngi ekide bolǵan.
"Biyl 10 tamyzda túngi ýaqytta spirttik ishimdik ishý kezinde politsiianyń burynǵy qyzmetkeri M.J.Jetpisbaev, Jambyl oblystyq IID-niń Basqarma basshylary M.I.Úmbetáliev pen E.O.Bekturǵanov qaqtyǵysyp, keiin ol tóbeleske ulasqan. Saldarynan Úmbetáliev M.Jetpisbaevqa pyshaq salǵan, Bekturǵanovqa pyshaqpen jaraqat salǵan", - dep habarlady QR IIM Memlekettik til jáne aqparat departamentiniń direktory Almas Sádýbaev.
Aitýynsha, osy derek boiynsha QR Qylmystyq kodeksiniń 99 jáne 24-baptary boiynsha ("Adam óltirýge oqtalý") sotaldy tergeý bastalǵany belgili boldy.
"Qazirgi ýaqytta M.I.Úmbetálievti ustaýǵa baǵyttalǵan sharalar júrgizilip jatyr. Al E.O.Bekturǵanov ýaqytsha ustaý izoliatoryna qamaldy", - delingen habarlamada.
IIM ókili qyzmettik tekseris júrgizilip jatqanyn, sondai-aq, Jambyl oblystyq IID basshylyǵyn jaýapkershilikke tartý máselesi sheshilip jatqanyn aita ketti.
