Foto: Polisia.kz
Jambyl oblysynda intimdik sipattaǵy beinejazbany taratpaý úshin aqsha bopsalaǵan kúdiktiler ustaldy, – dep habarlaidy Polisia.kz.
Taraz qalasynyń politsiia bólimine bopsalaý deregi týraly oblys ortalyǵynyń 24 jastaǵy turǵyny shaǵymdanǵan. Jigittiń aitýynsha, ózge adamdar intimdik sipattaǵy beinejazbany taratpaý úshin bopsalaý jáne qoqan-loqqy kórsetý arqyly onyń 990 myń teńge kólemindegi aqshasyn iemdengen.
"Bul derekke qatysty QR QK-niń 94-baby 2-bóligi (Bopsalaý) boiynsha sotqa deiingi tergeý amaldary bastaldy.
Jedel-izdestirý is-sharalaryn ótkizý kezinde Jambyl oblysynyń politsiia departamenti uiymdasqan qylmysqa qarsy kúres basqarmasynyń qyzmetkerleri “Arlan” arnaiy maqsattaǵy bólinisimen birlesip 29, 28, 24 jáne 19 jastaǵy tórt azamatty anyqtap, ustady. Ustalǵandar óz kinálaryn tolyq moiyndady.
24 pen 29 jas aralyǵyndaǵy kúdiktiler Taraz qalasynyń ýaqytsha ustaý izoliatoryna qamaldy. Eki qatysýshyǵa qatysty eshqaida ketpeý týraly jazbasha bultartpaý sharasy tańdaldy" - delingen habarlamada.
Ustalǵandardyń biriniń buryn qylmystyq jaýapkershilikke tartylǵany anyqtaldy. Qazirgi ýaqytta istiń tolyq mán-jaiyn anyqtaý maqsatynda barlyq qajetti jedel-tergeý is-sharalary júrgizilip jatyr.
