Sýret ashyq derekkózden alyndy
Jambyl oblysynda dárigerler jańa týǵan sábidi satyp jibergen, – dep habarlaidy "Ult aqparat" Polisia.kz portalyna silteme jasap.
"12 qańtarda Jambyl oblysy politsiia departamentiniń qyzmetkerleri Taraz qalasy prokýratýrasymen birlesip júrgizgen arnaiy is-shara barysynda jańa týǵan balany satý deregin anyqtady.
Atalǵan derek boiynsha QR QK-niń 135-baby 1-bóligimen (Kámeletke tolmaǵandar saýdasy) sotqa deiingi tergeý amaldary bastaldy. Jambyl oblysy PD uiymdasqan qylmysqa qarsy kúres basqarmasynyń qyzmetkerleri jedel-izdestirý is-sharalaryn júrgizý kezinde Taraz qalalyq kópbeiindi aýrýhanasynyń eki akýsherin anyqtap, ustady" - delingen habarlamada.
Tergeý sharalary barysynda akýsher mamandar jańa týǵan qyzdy 39 jastaǵy Taraz turǵynyna 1,5 mln teńgege satyp jibergeni belgili boldy. QR QPK-niń 128-babyna sáikes atalǵan áielder ýaqytsha ustaý izoliatoryna qamaýǵa alyndy. Al balany satyp alýshyǵa qatysty qolhatpen bosatý túrindegi bultartpaý sharasy taǵaiyndaldy.
Náreste Taraz qalasynyń sábiler úiine ornalastyryldy. Tergeý jalǵasyp jatyr.
