سۋرەت اشىق دەرەككٶزدەن الىندى
جامبىل وبلىسىندا دەرٸگەرلەر جاڭا تۋعان سەبيدٸ ساتىپ جٸبەرگەن, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
"12 قاڭتاردا جامبىل وبلىسى پوليتسييا دەپارتامەنتٸنٸڭ قىزمەتكەرلەرٸ تاراز قالاسى پروكۋراتۋراسىمەن بٸرلەسٸپ جٷرگٸزگەن ارنايى ٸس-شارا بارىسىندا جاڭا تۋعان بالانى ساتۋ دەرەگٸن انىقتادى.
اتالعان دەرەك بويىنشا قر قك-نٸڭ 135-بابى 1-بٶلٸگٸمەن (كەمەلەتكە تولماعاندار ساۋداسى) سوتقا دەيٸنگٸ تەرگەۋ امالدارى باستالدى. جامبىل وبلىسى پد ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ جەدەل-ٸزدەستٸرۋ ٸس-شارالارىن جٷرگٸزۋ كەزٸندە تاراز قالالىق كٶپبەيٸندٸ اۋرۋحاناسىنىڭ ەكٸ اكۋشەرٸن انىقتاپ, ۇستادى" - دەلٸنگەن حابارلامادا.
تەرگەۋ شارالارى بارىسىندا اكۋشەر ماماندار جاڭا تۋعان قىزدى 39 جاستاعى تاراز تۇرعىنىنا 1,5 ملن تەڭگەگە ساتىپ جٸبەرگەنٸ بەلگٸلٸ بولدى. قر قپك-نٸڭ 128-بابىنا سەيكەس اتالعان ەيەلدەر ۋاقىتشا ۇستاۋ يزولياتورىنا قاماۋعا الىندى. ال بالانى ساتىپ الۋشىعا قاتىستى قولحاتپەن بوساتۋ تٷرٸندەگٸ بۇلتارتپاۋ شاراسى تاعايىندالدى.
نەرەستە تاراز قالاسىنىڭ سەبيلەر ٷيٸنە ورنالاستىرىلدى. تەرگەۋ جالعاسىپ جاتىر.
