Jambyl oblysynyń Taraz qalasynda órtten úsh adam mert boldy, dep habarlaidy "Ult aqparat" Tótenshe jaǵdailar ministrliginiń resmi ókili Talǵat Ýálige silteme jasap.
Apat qurbandary - 1936, 1960 jáne 1982 jyly týǵan qala turǵyndary.
Sońǵy málimet boiynsha, órt kezinde egde jastaǵy áiel men onyń balasy tútinge ýlanǵan.
Úidiń janynda ornalasqan as úide turatyn nemeresi órt sóndirý qyzmeti kelgenshe týystaryn qutqaramyn dep ózi de ýly gazdan ýlanyp, kóz jumǵan.
Tótenshe jaǵdailar departamentiniń kezekshi bólimine túngi saǵat 3:26 shamasynda habar kelip tústi.
Órtti sóndirý úshin jeke quramnan 21 adam men 5 tehnika jumyldyryldy.
Tańǵy saǵat 04:24 kezinde órt tolyǵymen sóndirildi.
