Áleýmettik jelide Taraz qalasynda advokattyń kóligine oq atylǵany týraly aqparat tarady. Alaida politsiia oqiǵa qarýmen bailanysty emes ekenin málimdedi, dep habarlaidy ult.kz.
Advokat Lola Vrýblevskaianyń aitýynsha, ol kóligine jaqyndap kele jatqan sátte oq atylǵandai dybys estigen. Ainalada eshkim bolmaǵan. Keiin kóliginiń terezesinde tesik paida bolǵanyn baiqap, birden politsiiaǵa habarlaǵan.
Jambyl oblystyq politsiia departamentiniń málimetinshe, tekserý barysynda kóliktiń terezesi atys qarýynan emes, rogatkadan atylǵan oqtyń saldarynan zaqymdanǵany anyqtalǵan.
«Bótenniń múlkin búldirý faktisi boiynsha politsiia qyzmetkerleri eki quqyq buzýshyny anyqtap, ákimshilik jaýapkershilikke tartty. Olar rogatkamen oinap júrip, abaisyzda oqty kóliktiń terezesine tigizgen», – dep habarlady vedomstvo.
Politsiia azamattardy áleýmettik jelide taralǵan rastalmaǵan aqparatqa senbeýge jáne tek resmi derekkózderge súienýge shaqyrdy.
