QR QM Qarjy monitoringi komitetiniń Jambyl oblystyq ekonomikalyq tergeý departamenti jalǵan shot-faktýra jazý faktisiniń jolyn kesti, dep habarlaidy QazAqparat tilshisi.
Atalǵan komitet málimetinshe, jedel izdestirý is-sharalaryn júrgizý barysynda Taraz qalasy
turǵynynyń ekinshi deńgeili bankterdiń birinen qarajatty júieli túrde qolma-qol aqshaǵa ainaldyryp otyrǵany anyqtaldy. Tergeý barysynda Taraz qalasynyń turǵyny 2019-2020 jyldary aralyǵynda ol óziniń atyna birneshe JShS tirkep, jalǵan býhgalterlik qujattardy jazyp berýmen ainalysqan. Bul kásiporyndarda kásipkerlik qyzmetti júzege asyrý úshin avtokólik, úi - jai, óndiristik tehnikalyq baza jáne qyzmetkerler shtaty bolmaǵan.
«Jalǵan firmanyń basshysy qarjy sharýashylyq, býhgalterlik esepterin jáne salyq esepterin jasyrǵany anyqtaldy. Is júzinde firmalar qylmystyq áreketterdi júzege asyrý, kontragentterge salyqtan jaltarý úshin jalǵan esep shottardy jazyp berýmen ainalysqan. Saldarynan memleketke tólenbegen salyq túrinde 107 mln teńgeden astam soma shyǵyn keltirilgeni anyqtaldy», - dep atap ótedi vedomstvodan.
Jambyl oblysy Baizaq aýdandyq sotynyń úkimimen aiyptalýshy QR QK 241-babyna sáikes kináli dep tanyldy. Azamatsha 40 AEK kóleminde aiyppul tóleidi, sondai-aq oǵan 3 jyl merzimge kommertsiialyq uiymdarǵa basshylyq jasaýǵa tyiym salyndy.
