Áleýmettik jeli qoldanýshylary Jambyl oblysyndaǵy tótenshe jaǵdai saldarynan órtengen órt sóndirý mashinalarynyń sýretterin bólisip jatyr, dep jazady Sputnik Qazaqstan.
Fotosýrette oqiǵa ornynda túgi qalmai órtenip ketken arnaiy tehnika men jeńil kólikter kórinis tapqan. Sonymen qatar áskeri qoimany sóndirýge tyrysqan qutqarýshylardyń videosy taraldy.
Qaiǵyly oqiǵa 26 tamyz keshki jetiler shamasynda Jambyl oblysy Baizaq aýdanynda boldy. Aldymen áskeri bólimniń qoimasynan órt shyqqan. Artynsha birneshe jarylys boldy. Qoimada injenerlik oq-dári saqtalǵany anyqtaldy.
Jaqyn mańdaǵy eldi meken turǵyndary shuǵyl Taraz qalasyna evakýatsiialandy. Sońǵy derekter boiynsha tótenshe jaǵdai saldarynan 13 adam qaza tapty. Olardyń arasynda TJ ministrligi, áskeri bólim, áskerilendirilgen kúzet pen áskeri prokýratýra qyzmetkerleri bar.
