ەلەۋمەتتٸك جەلٸ قولدانۋشىلارى جامبىل وبلىسىنداعى تٶتەنشە جاعداي سالدارىنان ٶرتەنگەن ٶرت سٶندٸرۋ ماشينالارىنىڭ سۋرەتتەرٸن بٶلٸسٸپ جاتىر, دەپ جازادى Sputnik قازاقستان.
فوتوسۋرەتتە وقيعا ورنىندا تٷگٸ قالماي ٶرتەنٸپ كەتكەن ارنايى تەحنيكا مەن جەڭٸل كٶلٸكتەر كٶرٸنٸس تاپقان. سونىمەن قاتار ەسكەري قويمانى سٶندٸرۋگە تىرىسقان قۇتقارۋشىلاردىڭ ۆيدەوسى تارالدى.
قايعىلى وقيعا 26 تامىز كەشكٸ جەتٸلەر شاماسىندا جامبىل وبلىسى بايزاق اۋدانىندا بولدى. الدىمەن ەسكەري بٶلٸمنٸڭ قويماسىنان ٶرت شىققان. ارتىنشا بٸرنەشە جارىلىس بولدى. قويمادا ينجەنەرلٸك وق-دەرٸ ساقتالعانى انىقتالدى.
جاقىن ماڭداعى ەلدٸ مەكەن تۇرعىندارى شۇعىل تاراز قالاسىنا ەۆاكۋاتسييالاندى. سوڭعى دەرەكتەر بويىنشا تٶتەنشە جاعداي سالدارىنان 13 ادام قازا تاپتى. ولاردىڭ اراسىندا تج مينيسترلٸگٸ, ەسكەري بٶلٸم, ەسكەريلەندٸرٸلگەن كٷزەت پەن ەسكەري پروكۋراتۋرا قىزمەتكەرلەرٸ بار.
