Jambyl oblysynyń Baizaq aýdanyndaǵy áskeri qoimada bolǵan órtte úsh áskeri qyzmetshi joǵalyp ketti. Bul týraly qorǵanys ministri Nurlan Ermekbaev málimdedi, - dep habarlaidy Tengrinews.kz.
"Bizdiń áskeri bólimde barlyǵy 135 adam qyzmet etedi, onyń ishinde birneshe azamattyq qyzmetshi men áskerilendirilgen kúzet bar. Olardyń basym bóligi kelisimshart boiynsha júrgen áskeri qyzmetshiler. Shamamen 15 ofitser. Onda merzimdi sarbaz joq. Biz áli úsh áskeri qyzmetkermen bailanys ornata almai otyrmyz, Tótenshe jaǵdailar departamentiniń birneshe adamy da joǵalyp ketti. Tý men qujattarǵa keletin bolsaq, keibir áskeri qyzmetshi sonda sońyna deiin qalyp, qazirgi ýaqytta qarý-jaraq, qujattar, tý qaýipsiz jerge kóshirildi", - dedi Nurlan Ermekbaev.
