«Ońtústik» óńirlik qolbasshylyǵynyń áskeri qyzmetshileri Taraz qalasynyń kóshelerin sanitariialyq zalalsyzdandyrýdyń jańa ádisimen tazartýdy bastady, dep habarlaidy "Ult aqparat".
Endi áskeriler oblys ortalyǵyndaǵy qoǵamdyq oryndardy hlor eritindisimen ǵana dezinfektsiialap qoimai, barynsha tazalap jýyp júr. Olaraldymen arnaiy ARS-14KZ avtomattarynyń kómegimen kóshelerge dezinfektsiialaýshy aq kóbikter shashyp, ony shetkamen jaiyp, shaiady. Bul jumystardy tiisinshe eki top birlese oryndaidy.
Mundai dezinfektsiialyq shara qalanyń kórikti oryndarynyń biri – «Kóne Taraz» tarihi-etnomádeni kesheniniń aýmaǵynan bastaldy. Birinshi keshenniń «Arbat» jaiaý júrginshiler aimaǵy tazartyldy. Zalalsyzdandyrý jumystaryna óńirdegi qolbasshylyqtyń radiatsiialyq, himiialyq jáne biologiialyq qorǵaýyn uiymdastyratyn 22534 áskeri bóliminiń jeke quramy qatysty.
«Bólimshemiz qajetti arnaiy qural-jabdyqtar men jappai qyryp-joiý qarýyn qoldanýdyń saldary men zalalyn anyqtaýǵa jáne baǵalaýǵa, aimaqtardy, áskeri nysandar men qurylystardy zalalsyzdandyrýǵa baǵyttalǵan. Alaida dál qazirgi tańda biz qalany zalalsyzdandyrý úshin tehnologiiamyzdy da, bilimimizdi de, daiyndyǵymyzdy da salýǵa daiynbyz», - deidi bólim komandiri, maior Taiyr Saǵynǵanov.
Aita keterligi, áskerilerdiń qoldanysyndaǵy dezinfektsiialyq qural «Shield» dep atalady. Onyń quramynda hlormen birge, bakteriiaǵa qarsy zattar bar. Trotýarǵa sebilgen himiialyq eritindi turǵyndarǵa eshqandai qaýip tóndirmeidi, dese de sapaly dezinfektsiialaityndyǵyn aitady mamandar.
«Biz qoldanyp júrgen dezinfektsiialyq qural qala turǵyndary úshin óte qaýipsiz. Óitkeni, ol qoǵamdyq oryndarǵa sebiletindikten negizgi talapqa sai, adamdarǵa, janýarlarǵa jáne qorshaǵan ortaǵa ziiany timeýi tiis. Eger bul talapqa sai kelmese, eritindi paidalanýǵa berilmes edi», - dep atap ótti bólim komandiri.
«Ońtústik» óńirlik qolbasshylyǵy áskerleriniń qolbasshysy, general-maior Qaidar Qaraqulovtyń sózinshe, barlyq garnizondarynda osyndai jumystar júrgizilýde jáne áskeri qyzmetshiler Taraz kóshelerin zalalsyzdandyrý sharalaryn jalǵastyrýǵa nietti.
